Prethodna kolumna
Slijedeća kolumna

Za dušu, za spomenek: Teške nas je več nasmejati

Piše: Nevenka Gregurić
Denešnji mlajši ljudi za nas stariejše več put veljilu da sme zaostalji. Po njihovomu su zaostal

Denešnji mlajši ljudi za nas stariejše več put veljilu da sme zaostalji. Po njihovomu su zaostalji onie teri još kuriju i kuhaju na drve, spravljaju sakojačke žačke, za ne daj bože da zatriebaju, hgašujeju svetla gde stigneju i tak dalje i dalje. Mlajšem je teške posluhnuti one kaj njim stariejši poviedaju, a da bi posluhnulji kakev navuk, sačuvaj bože.

Mi sme mladi i pametni, tak gruntaju i šlabekuju denešnji mladi ljudi. One čemu su se negda ljudi raduvalji, čemu su se zesmejavalji več nišče neče pripoviedati kaj nej postal zaostalji. Huncutarije, norije i šege tere su speljavalji bile su diel življenja ljudi h negdašnjemi cajti.

Če nekomu i nie bilje drage gda su se na njegef račun delale šege, senek se je i sam moral smejati i tak pokazati da se ne srdi. O nektera huncutariji i šega još se denes pripovieda i znovič zesmejava. Največ šegi bilje je negda za dane mačkarade ilji Fašunjka. Lafre i obljeka dielalji su se doma od onuga kaj se po sirotinjske našlje. Ljudi su se takvam lafram i sakojačkem huncutarijam kaj su speljavalji, raduvalji i zesmejavali.
Još se zdej med stariejšemi znaju spomenuti negdašnji stari dečki i puce kak su po noči pazilji kaj njim nej nešče na plot del slamnatoga dečka ilji pucu. Zna se pripoviedati ka su se vekšem mačkarem gda bi išlji na stran i obesilji žačku z krafljini, krafljine hkralji i nametalji kamienja. Tek bi gda je došel doma videl kaj mu se pripetilje. Babe su se pri čeharaju ilji kakvem druge posle zmišljavale i zasmejavale dečkem teri bi jih kak mačkari štelji zaskočiti, a one se „niesu dale“.

Denes je veljika razlika od šegi tere su se speljavale prie. Cajti oveljetne mačkare i fašunjkove spelancije su za nami. I gda čovek ima rad takve hamuljie rade prejde poluknuti denešne fašunjkove šege. I gda se prejde tak po par takve fašunčke špelancie nemre čovek, a da se ne pita, gde su zginulji smiehi na ljica ljudi. Na saku takvu fašunjkovu veseljicu dojdeju se vrste i starosti ljudi, alji smieha nigde. Stareši držiju decu na ramena da bi neke vidlji i nafčilji. Malji pak panjkrati još te ne razmeju pak se veš put meste smieha čuje derača. Sakojačke moderne lafre, svijanje i zavijanje onieh teri te lafre nosiju čoveku tira več suze na oči nek smieh. H čudu, te spodobe lučeju stariejši, i za tu priljiku reskieraju stati na zime i sniegu, kaj bi se bar jemput na ljete, onak poštene nasmejalji. Nemaju se čemu nasmejati. Sami sebe zglediju bedasti kaj su se nasnubilji dojti lukat i stat hamuljije tere z hamuljiju nemaju veze. Unda se čovek pita, kaj se te denes dogaja. Pa kaj su ljudi pozabilji delati hamuljiji tere bi nas bar na jeden cajt nasmejale i pocinfrale cajte. I dok bokček Fašunjeg gori na kakva galga, oko njega je več malje ljudi teri bi lukalji gorenje sega onuga kaj ljudi muči. Ne baš vesolji pri duše, ljudi poljehku idu k svojemu domu i več do doma pozabiju na one kaj su vidlji i čulji.

Nemaju se čega smiešnuga zmisljiti ščem dojdeju do svoje vugljiče, a kamolji o tomu na ljieta pripoviedati i nasmejavati pajdaše. Ljudi kak da su pozabilji na one starinske tere su rekle:

„Smieh ljiči saki betek i betežnu dušu!“
„Smieh od srca zvoni tak kaj da bi resipal orehe!“
“Gdoj se smieje ne mislji zlo!“
A unda kak se niesme baš nasmejalji na fašunjska špelancija i kak je bilje Valjčekove tere je hnogem spraznile žepe jeden vicek za ljiek i za „veljiku“ljubaf.
Pita Ivek mamu:
„Mama, e su žene anđeli?“
„Jesu sinek“, rekla je mama.
„A, e je istina da anđeljeki letiju“? pital je dalje Ivek
„Istina, anđeljeki ljetiju“, podvučila ga je mama.
„Snočke sem čul da je tata rekel tete tera me čuva gda ti niesi doma, „anđele“. Unda te pitam gda bu ona poletiela?

Zdej mam“, rekla je mati.

Facebook

Opasnost je od naleta na predmet na kolniku na autocesti A1 Zagreb-Split-Ploče na 255. km između čvorova ZADAR II i ZADAR I u smjeru Zagreba. Vozi se uz ograničenje brzine 80 km/h.  Zbog prometne nesreće na autocesti A5 na 72.+200 km između...

 
iz valute
u valutu

Tečajna lista služi isključivo u informativne svrhe i podliježe promjeni bez prethodne najave. Zagorje.com ne može jamčiti točnost tečajne liste koju koristi konverter. Prije provođenja stvarnih transakcija potrebno je provjeriti trenutni tečaj kod službene ustanove. Tečajna lista dohvaćena je prema online podacima Hrvatske narodne banke.

mojtv.hr - kompletan tv program