Prethodna kolumna
Slijedeća kolumna

Za dušu, za spomenek: KAM VRAG NE MORE TUJ BABU POMORE

Ovu staru povedu sigurne su zmisljilji muži, a bog si ga naj zna h terem dobu ljudskuga življenja. Nju je jahke rade rabil moj dedek gda se svadil z babicu. Od njega je te zel i otec pak nikak nie mogla biti pozabljena. Nekak ju je zasluhnul moj muž, pak ju je i on tuj i tam rabil. Z tu povedu išla je i ona:
„Baba je tri dane stariejša od vraga“!

Znam da ščem su ženjske prečitale naslov mojuga tipkanja, priele su se za glavu i grde misljile o mene. Nu gda buju došle do kraja šrajbanja sigurne buju drugač misljile.

Ovu staru povedu sigurne su zmisljilji muži, a bog si ga naj zna h terem dobu ljudskuga življenja. Nju je jahke rade rabil moj dedek gda se svadil z babicu. Od njega je te zel i otec pak nikak nie mogla biti pozabljena. Nekak ju je zasluhnul moj muž, pak ju je i on tuj i tam rabil. Z tu povedu išla je i ona:
„Baba je tri dane stariejša od vraga“!

Se te poveda, gda si malje gruntam rabilji su muži gda niesu moglji dojti na kraj z svoju „bolju polovicu“, kak se negda reklje za ženjske.
Grde su se srdilji če bi njim babe znale reči:
„Kaj se vi muški bunite. Im se dobre zna da mi držime tri čoške hiže, a četrti pomažeme. Da nie tak hiža bi se zrušila!“
Kak su se god muški srdilji senek su potajuči znalji da su babe h pravu. Alji muške „ja“, nie dalje da se te negda i babam prizna.

Stara poveda tera je rekla, da kam vrag ne more tuj babu pomore, imiela je za reči da babe se zbaviju kam god da kreneju. Vrag, misljilje se negda more se i sikam, alji negda mu se pripeti da baš nemre se obaviti. Poklje gda vidi da nemre poljehku odustane. Baba pak nigdar ne posustane. Ona vrta, vrta i dojde do onuga kaj oče.

Radi toga se reklje i da je stariejša od vraga jer je pobrala su mudrost.

Baš radi toga kaj su babe bile čez življenje nafčene na se zloče, niesu več mogle trpeti da njim muški za se gospodariju. Boljeje jih je i te kaj su za isti posel dobivale menje plače nek muški. Radi toga su se i pobunile. Na dan svoje veljike bune, osmuga ožujka, rekle su prvi put dosta je toga.

Nie se mam išlje glatke. Nektera prava tere su dobile na papieru bilje je teške primeniti h životu, a največ doma. Siečam se kak dieta gda su se ljudi med sobu spominalji o oporuka teru su delalji hmirujuči muži. Gda su bilji na najge pozvalji su selske mudrijaše i na pisme delji svoju zadnju želju. Deljil se je grunt, hiža i hižišče na decu, a babe se nie dalje nič. H svojem oporučnem dielu muži su babam dalji komoru same  za živanje. Nišči ju nie imel praf ž nje stirati i mogla je hu nje biti dok je živa. Te nie bilje njenje i z tem nie mogla gospodariti i poklje svoje smrti nekomu dati radi toga kaj se o njoj brinul.

Babe su unda bile h grdem cajtu. Nič nie bilje njihove jer poklje njenje smrti tak i tak je se ostalje onomu detetu teri je ostal živeti na domačije. Kak se je brinul o starice te baš nie bilje važne. Starica nie imiela svoj dieljec z terem je mogla gospodariti. Negda su babe sobu dopeljale nekaj grunteca nu te se mam prepisalje na muževu familjiju.

One kaj je bilje navike od babe bila je kravica. Saka ženjska je sobu zamuža, gda je išla za snehu, dopeljala kravicu. Unda se reklje da snehina krava nigdar ne scrkne. Če se ta njenja kravica prodala h štalje su ostale druge jedna ilji dvie i navieke je jedna bila od snehe. Ž nju je jedine poklje smrti muža mogla gospodariti.

Negda se govorilje da je puca morala iti zamuža i nie je se dalje da prebira. Ljudi su med sobu govorilji ovak:
„Zlatna puca, slamnati dečke!“
Eeeeeeeeeeee, od gda su se babe zborile za svoju pravicu spomenki i šege su se zmenilji. Denes se obrnul na hopak pak tak i negdašnja poveda. Unda se zdej velji ovak:
„Zlatni dečke, slamnata puca“! Hm? I čega oče.

Zdej je morti i radi toga kaj su muži zmisljilji povede da kam vrag ne more tuj babu pomore, špot opal njim na pete. Došla je njihova poveda h življenju na videlje. I kak unda ne reči da radi toga kaj su babe tri dane stariejše od vraga, vladaju Svietem.

ŽENJSKE, SREČEN VAM 8. MART!

Facebook