Afera BMW mobilizirala je stranačke vojske. HDZ-etov stožer naredil je svojim stranačkim pijunima da napadaju sakoga ko vozi auto veči od Golfa!

I nek je, zakaj pred pukem saki ne bi položil račune kak i na koji način se trošiju zajednički penezi. Pa i kad su auti u pitanju, na kaj su naši ljudi pogotove slabi.

Problem je vu tom kaj stranački pijuni ne iščeju pravdu, jer da im je pravda i briga za racionalne trošenje penez na pameti, onda bi prozivali i svoje članove teri na jaslami javnih službi voziju skupe aute.

Onda bi reagirali v one vreme kad se dogodi takev neopravdani trošek, a ne kad to naredi polit-biro!

Sad mene ide etiketa da sam ljevičar pa napadam HDZ. I nek sam, ali ko bu nam dal odgovor zakaj se zbog auta staroga 2, 3, ili 4 ljeta neki napadaju denes, a nije ih se napadale onda kad je auto kupljen? Zakaj, osim zate da Sanader ispadne menje kriv?

Zate da bi se razvodnjila afera radi bahatosti precednika vlade koji hiče državne peneze na svoj luksuz, makar ima barem još jeden takev BMW-a i ko zna kolike još skupih auti na raspolaganju.

A koliki se luksuzni vozni park skriva po ministarskim garažami?

Navodno saki ministar za svoju škvadru kupuje nove aute da ih ne bi grizle za nos od toga kaj su ovi pred njimi zaprdeli tapecirung.

Baš bi se veselil kad bi se napravila kompletna inventura osnovnih sredstvi s terima raspolažeju direktori javnih firmi, ravnatelji, upravitelji, načelniki, gradonačelniki, župani, ministri, precednik, vlade i države i si oni koji delaju za društve i koristiju sredstva v direktnom ili indirektnom vlasništvu društva.

Ali ko bi natiral one koji imaju priliku upravljati da sami sebe deneju pod povečale javnosti? To se događa jedine onda kad se skopa kakva afera koju treba zataškati ili marginalizirati. Onda se regrutiraju stranačke vojske kojemi se fučka za državnu imovinu. Jedina im je briga kak zataškati nečiju aferu i kak je dati čim menji značaj da bi se zloupotreba, ili nedolične ponašanje relativizirale i prikazale ko da je to nekaj normalnoga.

Zbog ove je afere premijer trebal osetiti posljedice, morti i dati ostavku, a onda su to trebali i si oni koji su se usudili koristiti neopravdani lukzuz na račun poreznih obveznike.

A kaj se bu pri nas dogodile?

Nič!

Jer ake more precednik moreju si!

Tu poruku poslal je još Tuđman i ta nas je poruka koštala največe pljačke v hrvatske povjesti!
Sad same čekam da se potegne pitanje Blajburga, Partizane i Ustaša. Na kraju bu i BMW završil na Blajburgu de nisu zakopane same žrtve ratnoga masakra nek i dober dio afera z naših dane.