Prošli put sam pisal o bahačenju zagrebačkoga gradonačelnika kad se sprdal z skupim zahodima, a več ovaj tjeden se precednik vlade sprda z BMW-em koji košta ko tri ta zahoda!

I zakaj se ne bi!?

Ljudi kojemi je poručil da trebaju stezati remen, na teromu bu trebale bušiti nove rupe i dalje v miru i tišine promatraju kak se njihovi predstavniki na vlasti za te vreme bahatiju z luksuzem.

Razvijene zemlje imaju razvijenu svest naroda koji ne bi dozvolil da se najde kakev Balkanec teri se bu zabavljal z njihovi penezi.

Pri nas to nije slučaj!

Ljudi su se podelili v dva tabora i nije ih briga kaj njihovi vođe delaju. Simpatizeri jedne ili druge političke opcije svojemu buju oprostili se. Zagrebački gradonačelnik za svoje glasače ima poslušne SDP-ovce, ali i dober dio glasače HDZ-a teremi je čvrsta ruka i bahat pristup nekaj kaj se od političara očekuje.

Denešnji precednik vlade laže, izvrče reči, z ljudi dela bedake, a iza sebe ima vojsku telce koji ga podržavaju i za to dobivaju svoj dio kolača.

I sad k'o prodaje taj auto! Nije prije znal kolike košta nek je valjda sad zeznal kad su do toga došle novine!

Veli Jadranka, inače stručnjakinja za BMW vozila, da se z tim autom oče skrenuti pažnja z uspeha koje je vlada postigla. Doduše, ne znam koji su to uspehi, valjda još jedna rupa na remenu!

A zakaj su kupovali taj auto ak nisu šteli privlačiti pažnju?

Ak to nešči popuši naivac je i budala!

No ima i onih koji od toga nemaju koristi, koji su još na tragu borbe protiv komunizma i teremi je Hrvatska još same parola, a ne stvarnost.

Državnik teri sebe kupuje takev auto, a ima još par koje more koristiti, ne razmišlja da li njegvi Hrvati imaju kaj jesti.

Takev čovek nije vođa naroda, takev nemre biti predstavnik ljudi koji se boriju za egzistenciju.

Jer dok ljudi jedva spajaju kraj s krajem, dok mnogi nemaju posla, i moraju objašnjavati deci da im nemreju dati za sendvič kad ideju v školu, ovaj bahati prdonja zajebava se na račun milione koje troši na svoj luksuz!

Ali nek!

To mu njegvi birači odobravaju, a i oni drugi koji su tihe, koji nečeju nič reči da se ne bi komu zamerili!

E pa ljudi dragi, bojim se da kad se nešči odluči nekaj reči ne bu više ničega, a onda se si skupa moreme fučkati!

Ovi koji su naše peneze potrošili, zadužili našu decu, pa čak i vnuke, nek se voziji i nek kenjaju i dalje.

Kad več ne buju mogli tu, kad im več neme interesantni, otpeljali se buju nekam van kak i onaj mučenik Zagorec koji je zaprt same za reklamu, makar je to itekak zaslužil.
I koju poruku buju ljudi dali sad kad imaju priliku birati?

Nije bitne doj je s tere stranke, bitne je da misli z svoju glavu, a ta glava da ne misli o tomu kak bu nekaj pokrala, nek kak bu čim bolje iskoristila sredstva da se zvlječeme z ove situacije.

Ake ljudi opet neju reagirali, onda je zadnje vreme da si i ja kupim kakvoga BMW-a! Pa da postanem v oku naših ljudi sposoben Hrvat, a ne pošteni bedak!