Evo došle nam je i vrijeme lokalnih izbora.

Proces v teromu bi se trebali voljom ljudi sfiltrirati najbolji predstavniki, zastupniki i upravitelji z onim kaj zoveme društveni poslovi i imovina.

Izbori su prilika da večina građane odluči doj bu v ime njih upravljal i doj ih bu zastupal. A zakaj onda ljudi govoriju: si su oni isti, pak bu se po starom, oni same na svoje riti misliju…?

Zakaj, ak birani ovisiju o volje ljudi?

Ali da su birači složni, da točne znaju kaj hočeju, da ih se ne da prevariti, fkaniti, dobiti na ljepe oči i lažna obečanja, onda morti ne bi bile tak!

Kad nešči nekaj obeča da bu napravil, ili da se bu za nekaj zalagal, a onda to ne napravi, drugi put bi po logike stvari trebal dobiti same jeden glas. Svoj.

Zakaj ljudi glasaju za prevarante, politikante, pa se onda buniju da je se kak i prije!?

Zakaj na izborima ne daju šansu onomu ko ih nije prevaril, ili zakaj se politički ne angažiraju?

Tu logiku počel sam slijediti prije osem let.

Kad sam se, razočaran z politiku i političari, sam angažiral da probam ponuditi alternativu onomu kaj nam se saki put nudile.

Foteljaš, lopov, tuđi sluga, prevarant, uhljebnik i ko bi se več sečal kakve sam se pohvale dobil i prije nek sam se toga prijel!

Mislil sam si, nema veze nesmem se povlječi jer to ide u prilog onemi koji bi šteli da im nisam konkurencija.

No, nakon jednoga vremena več mi je dojadile da saka budala pljuje po mene, a nišči me ne brani.

Ne treba biti pameten da se nekaj popljuje i omalovaži! I to bez argumenta i dokaza!

Borba za politiku v teroj se da o semu raspraviti, de vlada snaga dijaloga, de se zajednički penezi ne rasipaju bez veze, de se razmišlja i o budučnosti, izgleda da nikoga ne zanima!

Saki bi da se same o njegvim potrebami misli.

To me žalosti i oduzima volju da se bavim z nečim za kaj sam mislil da treba ispraviti.

Nakon tolike vremana zaključil sam da nisu političari jedini krivci kaj je pri nas takva situacija.

Veliki broj ljudi je spremne za sitnicu koju za se priskrbi, prešuteti pune veče stvari tere buju političari za se iskoristili. Radi šnicljina vbiti kravu!

Ispada da sam odgojen da bi bil budala, jer pri nas se još gledi same vuski privatni interes.

Razmišljanje da je zajednička imovina bezvredna, da vredi same one kaj sme sebe prigrnuli, nije one za kaj bi se imel želju zalagati.

No nije se tak bezizlazne. Ima još ljudi koji trebaju nekoga da ih zastupa. Zate se nem potpune povljekel.

Dal bum priliku da nešči i za tu opciju da glas, pa da vidime da li to ljudi očeju ili nečeju.

Na kraju krajeva, se je volja ljudi, a ljudi bi trebali znati to iskoristiti.

Ake svoje pravo da si biraju vlast ne iskoristiju birači iskoristili buju to političari.