Mi sme zemlja v tere se laže i krade, a nam to zgleda zabavne. Ko da gledime kakvu zabavnu seriju, a ne stvarnost v tere nešči naše peneze sebe meče v žep. Zadnji premer je afera z zagrebački wc-i de se točne vidi da je preskupu gradnju prek izvođača izvodila firma podizvođač koja ima direktne veze z Gradonačelnikem koji predstavlja naručitelja.
Nema tu nikakve dileme ni priče, inspekcije bi trebale ispitati saku stavku ove investicije i najti koji radovi ne odgovaraju cenami kakve su na tržištu.

Nakon toga treba videti koje to dogovaral i potpisival i čija je odgovornost u pitanju. Se to treba znati javnost i tak se treba ponašati v sake situacije koja je sporna. Zagrebački Gradonačelnik v stilu bahatoga Hercegovca dela bedake z domaći bab tere prodajeju na placu jer one ne znaju Engleski. Na taj način simbolične on daje semi do znanja da su tupani i da on more delati kaj hoče, a ljudi se buju smejali forami tere hiče dok prek svojih jatake zgrče zagrebačke peneze.

Sad su izbori. Ak Zagrepčani očeju da ih se tak omalovažava nek mu i dalje veruju, nema problema, ali si bi trebali znati da su izbori prilika da se političarem da do znanja kak nam se dopada njihova uloga na vlasti i kakve bi mi to ljude na vlasti šteli. Ne bu se nič zmenile prek noči, ali za dva tri mandate nekakev pomak se more videti. More se videti kaj pri birače prolazi, a kaj ne.

Da mi moji dežurni kritičari ne buju žalosni, to, normalne, ide i mene v onom delu kolike se s politiku bavim. Makar mislim da se delam kak treba, ljudi imaju priliku preceniti da li je to dobre ili ne bez obzira na moje mišljenje. I tak bi trebal prejti v semu za kaj iščem poverenje ljudi.

Takev bi kriterij trerbal vrediti za se.

Izborna kampanja nije prave merile nečije vrednosti, jer se tu s kojekakvim podmetanjima pokušavaju dobiti poeni v javnosti. Nečija vrednost vidi se čez više ljet rada i dosljednosti, a ne čez mesec dan larmanja. Na javnosti je da ne padne na jeftine fore, jer cena krivoga izbora ide baš na račun te iste javnosti, birali oni koga ili ne!

Još ima vremena da se dobre razmisli koji ljudi koristiju priliku i govoriju gluposti koje je ljepe čujti, ali ih se ne da napraviti, a koji su, na temelju onoga kaj su v životu napravili, zaslužili da im se veruje!

Da bi bile čim menje preskupih wc-e i ostalih preskupih stvari!