Morti bi bile dobre kad bi rekonstruirali slučaj da se suca posedne v park na klupu pa da ga nešči mazne z letvu po čelu valjda bi mu onda bile jasneše kak napadnuti nisu mogli prepoznati ko ih je i š čim vudril po glave!

Se sečate kad su v Zaboku nekakvi divljaki pretukli omladinu tera se zabavljala v parku?

Nakon kaj je slučaj prijavljen došle su službe koje su prevzele slučaj. Policija je svoje obavila, a i sud! Divljaki su navodno prešli bez kazne jer nije bile dosta dokaze. To kaj su deci razbili glave nikomu nić, to nije dokaz! Valjda su opali po štenga kojih tam ni nema!

Činjenica je da je grupica huligane pretukla tinejdžere bez ikakvoga povoda, same od dosade! Zadatak policije je bil najti krivce i prikupiti dokaze! Ake to nisu napravili kak treba nešči bi trebal odgovarati. Ali nemre se reči da se zbog nedostatka dokaze nije kaznile divljake!

Policija i tužiteljstvo treba prikupiti tolike dokaze i svedoke kolike treba da bi ih se osudile i kaznile kak spada! Jer ake ovi koji su optuženi nisu kažnjeni, doj bu onda odgovaral za povrede oštečenih? Nesme se događati da tužiteljstvo ide na sud bez adekvatne pripreme.

Na taj način dolazi do sumnje, da li su oni opče šteli pripremiti tužbu kak treba, ili su pod uticajem optuženih i njihovih staratelja traljave priredili optužnicu same da bi ovi bili oslobođeni?!

Isti slučaj je i kad su suci u pitanju. Kak more sudec odrediti oslobađajuču presudu ake postoji utvrđena povreda zakona i priznanje onih koji su to napravili?!

Ucviljeni balavci koji se na sudu nisu ponašali ko Skinhedsi nek ko dripci i kukavice navodno su jen drugoga optuživali za to kaj su napravili, pa sudec nije znal koga bi osudil!

Mogel je onda sebe osuditi za nesposobnost utvrđivanja istine! Ima pred sobu četri delikventa za koje se zna da su to napravili, a ovaj ih pusti jer ne zna točne koji je koga z nogu, a koji z letvu vudril po glave!

Morti bi bile dobre kad bi rekonstruirali slučaj da se suca posedne v park na klupu pa da ga nešči mazne z letvu po čelu valjda bi mu onda bile jasneše kak napadnuti nisu mogli prepoznati ko ih je i š čim vudril po glave!

Pravosudne službe, tužitelji i suci nisu svete krave da ih se nesme kritizirati. Oni moraju obavljati posel za teri ih društve plača, a to je provedba zakona koji bi trebali biti v službe pravde.

Sudec je z ovu presudu dal jasnu poruku javnosti: divljajte kolike očete, morete se tuči, zlostavljati tuđu decu i nema straha da bute za to odgovarali ake oni koje bute nalupali ne buju mam prikupili dokaze za to ko je točne i kakev komu udarac dal! Zate vi koji bute bijeni morate dobre paziti dok vas se tuče da si zapamtite ko vas je š čim lupil kaj bute to na sudu znali povedati!

Činjenica da je nešči nekoga pretukel i razbil mu glavu mora biti pokrivena z činjenicu da je nešči za to kažnjen, jer je to protuzakonite! Društvu nije prihvatljiva situacija v teroj se krši zakon, zna se doj ga krši, a nišči nije kažnjen!

Ake su zbog nedostatka dokaza oni koji su to napravili puščeni, onda bi morali biti kažnjeni oni koji nisu prikupili dokaze, a morali su! Delikventi su sad još več ohrabreni kad znaju da su od sistema napravili bedake!