V prošle kolumne „Nedokazani sud“ spominjal sam kak suci nisu obavili svoj posel kak treba jer su pustili delikvente, teri su pretukli omladinu v zabočkom parku, bez kazne.

No v ovom slučaju moram reči da slučaj nije ni došel do suda jer je od optužbe odustale tužiteljstvo.

Ake sam na taj način nanesel nepravdu sucima teri nisu v ovom slučaju nič krivi ispričavam se sakomu sucu koji se zbog toga našel povređen!

Nije mi namera diskreditirati nikoga ko nije kriv, ali kak v ovom slučaju pravda nije zadovoljena nekoga bi trebale pitati zakaj?

Ake nisu krivi suci i sud onda treba doznati doj je kriv! A v tomu bi i suci mogli pomoči, morti ne ko suci neg ko građani kojima je, kak i mene, stale da se poštuje zakon i red, da se si moreme kretati bez straha da nas ili našu decu nekakvi idioti napali zate jer im je dosadne i jer im mozak nije razvijen bolje od pilečega!

Kolike mi je jasne odgovornost je zapela na Državnom odvjetništvu, odnosno, tužiteljstvu.

Zakaj je tužiteljstvo povljekle tužbu kad su huligani priznali kaj su napravili?! Zakaj su tak traljave pripremili dokaze i tužbu da su odlučili odustati? A nikomu nije jasne ni doj bu te idiote kaznil!?

Tužiteljstvo je služba koja mora v ime građana pokretati postupke kad je u pitanju kršenje zakona. Ovde je u pitanju opča sigurnost i tu je trebale posebne inzistirati da se slučaj ne dene pod tepih. Pa neju valjda roditelji sami skupljali dokaze i pokretali postupke protiv nasilnika. Zakaj onda Državno odvjetništvo služi?

Sad ispada da buju građani sami morali pravdu zeti v svoje ruke jer je javna služba, kak je tužiteljstvo, v ovom slučaju zakazala!

I doj bi onda mogel zameriti ake se skupi grupa ljudi i spomenute huligane nalupa kad ih se nemre na sudu kazniti!?

Iste tak je neprihvatljive da divljaki ostaneju bez kazne, zate buju sad dobre morali paziti da ne dobiju porciju koju su mislili deliti drugemi, jer ima onih koji su spremni reda napraviti i bez tužitelja i suda.

Ko bu objasnil javnosti da tužitelj nije to napravil namerne jer nije štel da dotični buju osuđeni? Morti je u pitanju kakva veza ili korupcija! Morti nešči od huligane ili njihovih ima kakev tal s tužiteljem pak je ovaj odustal?

Mislim da bi Ministarstvo pravosuđa trebale v tužiteljstvo naše županije poslati nekakvu kontrolu da to provjeri!