Dok novinari izvlačiju svedoke i konstruiraju dokaze šef dubrovačke policije veli da nema poima!

Naš novi ministar SUP-a, pardon, MUP-a, za kojega se pripoveda da je najsposobneši za takev posel nema strpljenja ni volje objašnjavati javnosti kaj mu policija dela.

Ova afera tera se dogodila oko smrti australske turistice v Dubrovniku nije trebala ni naše države ni turizmu.

Film teri su snimali australski novinari sigurne nije primer kak se dela ozbiljni i objektivni dokumenterac, ali reakcije naše policije prikazane v filmu su sramota! Šef dubrovačke policije na ozbiljne pitanje koje mu novinar postavlja ne pokušava objasniti kolika policija ima saznanja i kaj dela po tom pitanju, nek ko zbunjeni balkanski idiot bleji v kameru i govori da nič ne zna, a kad ga ovi zaskočiju govori da ipak nekaj zna, ali ne one kaj bi trebal nek one kaj je štel prešuteti.

Pa i da ne zna to nije smel reči jer na takev način je uznemiril javnost! Dal je do znanja da je nesposoben skupa z onemi teremi je na čelu.

Dok novinari izvlačiju svedoke i konstruiraju dokaze šef dubrovačke policije veli da nema poima! Genijalne! Da je imale sposoben moral je bar dati do znanja da u svrhu istrage nesme s podatki izlaziti v javnost, ali da ima nekakva saznanja koja bi mogla donesti do rezultata. To bi mu bar dale vremena da nekaj zmisli, da proba istragu pokrenuti i da smanji štetu koju bi mediji mogli donesti našemu imiđu.

A očigledne je činjenica da policija v Dubrovniku nije pune napravila. Ake jeden novinar more iznenaditi šefa policije z pitanjima o slučaju za koji bi ovaj moral imeti največ informacija, ake Australci, amateri teri su došli v Dubrovnik za par dane saznaju više od domačih organe teri delaju službenu istragu, onda tu zbilja nekaj ne štima! Pa kaj su policajci mislili da se bu nešči pomiril z smrču svojega deteta same zate jer je dosta daleke!? Šef policije trebal je sam prejti v Australiju i objasniti roditeljima da dela se da se slučaj rasvetli, izraziti saučešče i pokazati da domači ljudi nisu prema smrti turista ravnodušni! Ali ovaj je zgledal ko da je mislil stvar rešiti tak da se pomete pod tepih!

I onda šlag na torte izjava našega sposobnoga ministra na pitanje kaj misli o filmu: „ to je znanstvena fantastika“!

Pa valjda bi prve reči trebale biti nekaj kaj bi smirile situaciju. Da je bar rekel da mu je žal zbog sega, da bu poduzel se kaj treba! No on doljeva ulje na ogenj teri mu pod nogami gori i ko nekakev frajer daje šarlatanske izjave. Zakaj nije objasnil kaj je to znanstvena fantastika vu tom filmu? Kaj on zna da bi tvrdil da su novinari v zablude?

Ispada da luplje bez veze i da mu do toga opče nije stale! Ko vas j… kaj me opče s tim zajebavate!

Sad bi trebale preceniti štetu teru je taj film donesel naše države. Koliku štetu bu turizam od toga imel? Dok milione ulažeme v dobru reklamu našega turizma, zbog nesposobnosti i nemara šefova policije na drugom kraju milione gubime!

P. S. Nemojte se sad vi zagorski policajci nič sekirati ovaj put vas nisam spominjal!