Mediji su zbog zarade u stanju proširiti paniku, proizvođači medicinske opreme i ljekova doljevaju ulje na ogenj, a same zate da bi zaslužili.

Od kad su mediji i telekomunikacije počeli dominirati v društvu, od kad su na taj način počele stizati se informacije, počela je i era modernoga marketinga. A marketing nije nič druge nek uvaljivanje nečega kaj nam ne treba da bi onaj ko nam to nudi imel od toga koristi.

No, još veče koristi ima onaj koji je u stanju organizirati dobru marketinšku aktivnost koja ima uspeha.

Znam da bi mnogi profesori teri predajeju marketing na fakulteti sad mene šteli demantirati, ali jedne je teorija za studente, a druge je aktivni pristup teme tera je počela dominirati v modernomu društvu.
Marketing je denes preuzel se sfere života.
I prehranu i politiku i biznis i kulturu i sport itd.
Pa čak i medicinu.
A kaj je pojednostavljene marketing?

To je niz aktivnosti koje su usmjerene na prodaju ili prihvačanje određenoga proizvoda ili informacije. Od osmišljavanja, designa, distribucije do reklame i PR-a. V semu tomu provlači se marketing. Vraška namera da se nekaj nekomu uvali!
I ja se negda znam baviti z dijelem marketinga. Imam čak i dobrih uspeha vu tom, ali to nema veze z onim kaj zbilja o tom mislim.

Zbog marketinga mi denes nemreme razlučiti laž od istine, lopova od poštenjaka.
Nič nije apsolutne se je relativne. Kad se umiješa marketing laž postaje istina, a istina laž.

Treba pogledati najnoveši primer epidemije svinjske gripe. Ko mi bu rekel da zbilja zna kaj se događa i da zbilja veruje onomu kaj se po medijima pripoveda? Mediji su zbog zarade u stanju proširiti paniku, proizvođači medicinske opreme i ljekova doljevaju ulje na ogenj, a same zate da bi zaslužili.

A de je tu provjerena i istinita informacija?

Tržište i marketing v relativne su kratke vreme preuzeli vlast nad ljudmi i njihovim mišljenjem. Teorije zavjera, nevjerice i zablude najčešče su pojave tere ljude motaju.
Više nišči ničemu ne veruje, a to je idealna prilika za one koji očeju delati v mutnom. Situacija opče krivice, de su si krivi, a nišči pošten, de govoril mnešči istinu ili laž više nič ne znači.

Ne ostavlja ova tema baš pune optimizma, ali ake bi se potrudili još moreme najti ljudi oko sebe koji nisu s tim opterečeni.

Razmišljati, ali ne biti s tim opterečen morti je najbolji način da najdeme sredinu v kojoj se moreme ponašati donekle odgovorne, ali opet z rezervu da nisme o semu najbolje informirani!

Denes je marketing i reklama v službi onoga ko ima peneze. Reklamne agencije reklamiraju i lošu stvar, ake to nešči plati.

Ljudi su tu da sami preceniju kolike je za verovati dobre reklame, a kolike je to zbilja istina. Ali pitanje je na temelju čega?