Če je čovek spameten i se su mu deske na bruoju vu glave, onda tuo ne daje vun na sa zvona, nek šuti pak se na samom smijieje bedakom. Zate se i veli da znanje čkomi, a neznanje kriči. Je, šte niš ne zna i šumak (šašavac, neznalica, budala) je, te bu se drl z petni žil da bi došel do onoga kaj oče, jer drugač nemre kre spmetni i školovani ljudi. Same je žalosne kaj ljudi takvijiem negdar poveruju pak zate kaj kričiju, nešči misli da neke znaju i da su oni pozvani deliti savete. Ali tuo nije tak, tuo su siromačeci vu glave, govorila je naša hraščinska baka Ivka. Prolaze li bolje pametni i svejsni svega što se zbiva ili,pak, oni „drugi“?

„ Muoram ti nažalost reči da oni drugi, oni šteri nijiesu ni svijiesni kak su plitki i puni su bedastuoč kak šipek koščic, imaju bolšu prođu nek ljudi na mestu. Jer oni se bolše uklopiju vu sake društve jer namataju i govoriju sekojkoj i još če imaju male smisla za šalu, moru dospeti i vu politiku (smijeh). Same je tuo, fala dragomu Bogu, kratkoga vijieka. Je, njim je i lakše živeti jer niš ne misliju i nigdar ih , valjda, ne boli ni glava (opet smijeh). Same misliju kaj budu pojeli, popili i gde se budu zdurili „, bila je oštra starica inače podosta alergična na ljude o kojima priča.

Kako onda živjeti s onima koji su napasni, a šupljoglavi; da ih iselimo s našeg pleneta i pošaljemo u svemir, zadirkivali bi staricu.

„ Same me ti zafrkavaj... Znaš da tuo nije moči, nek da se treba navčiti živeti z takvemi i znati ih posložiti kam im je meste. Kak ? Dati im posel da dijielaju po svuoje volje, ali on de nemru delati šteti, recimo kak je kopati gorice, štucati, rezati sadje, kositi travu, pobirati smetje, zubljati listje... I furt im govoriti kak tuo dobre dijielaju i da nišči na svijietu nije dober vu tom poslu kak oni. Onda se budu trudili i mislili da im nišči nije raven. Mrti se takvi ljudi i premeniju, jer se nigdar ne zna kaj im more duojti vu glavu. Sreča njihva če opanu z ruške na glavu ili ih strijiela male pukne, pak im zmeni pamet. Muoram se šaliti, dragi Buog  mi naj opresti če je grijieh, ali On gore je za se na ovomu svijietu našel mesta i oni muoraju živeti. Se je još dobre če takvi nijeisu zločesti i osvetoljubivi. E, onda jaosiga onomu šte z njimi ima psola. Bolje mu je da se takvijieh vugiba“, savjetovala je baka.