Pred vratima je najveći kršćanski blagdan – Uskrs, za koji se oduvijek vezivalo mnogo narodnih vjerovanja, običaja i radnji, a o kojima su znali pričati naši djedovi i bake. Kako su se dočekivali uskrsni dani, slikovito nam je približila naša hraščinska baka Ivka, pučka prognozerka.

„ Vuzem je najlepši blagdan kaj ga je Buog dal jer onda je se vu cvijieču, a mi slavime Kristušove uskrsnuče. Dan predi Cvijietne nedelje vu vrtu ili na polju se naberu ljubičice i jagorčevine (jaglaci). Onda se vu lavur donese bistra voda z zdenca i vu lavur sipaju ruožice. Na Cvijietnu nedelju, mam gda se stanu, vu te se vode prve vmivaju dečica, a onda i starejši. Posebne je ta voda dobra za mlade puce štere su piščujave i pegaste jer im bu tio onda nestale z obraza.Veli se da vmivanje vu cviječu, donaša zdravlje i sreču „, govorila je baka. A onda bi gazda kuće otišao otkinuti lijepu grančicu drijenka.

„ Je, drijienek se je nesil na blagoslov k meše na Cvijietnicu. Gda je družina dime došla z cierkve, drijienek bi se del pod rog na krov i rekle bi se : Buog blagoslovi ovaj duom. Ta se granjčica furt pri hiži čuvala : gda je jake grmele i tuča curela, onda se komačec drijienka hitil vu ogenj jer je tuo hižu štitile od gruoma. Nešteri su drijienek zateknuli i za svetu sliku vu kuhnje da bi im furt bil pri ruke. Drugi su blagoslavljali dvije grane i jenu zapičili ober vrati na štale da nema niši vlast nad blagom i nad živinu. Bile je i hiži gde su blagoslovljenu granjčicu drijienka zmleli i pojeli da bi bili zdraveši te lete „, pojašnjavala bi starica.  Je li Uskrs, to jest veliki tjedan, vrijeme velikog i glasnog slavlja u katoličkim obiteljima, pokušali smo ozbiljnim pitanjem zateči staricu.

„ Kakvi... Pak znaš da se i zvona vežeju... Se se spravlja vu tišine i veliki molitva. Nema ni kriča ni mužike niti zabave druge felje se do sobote navečer gda se kuri vuzmenjka. Je, onda se zapopijevlja i zatanca jer se zna da Isus više ne trpi teške muke i da ide vu nebe... Drugi dan, na Vuzem, velika je gozba, gda se ne špara z pijaču i jedaču kak vu korizme. Same Vuzem saki vijiernik, a i on šteri nije moral bi se tomu pokuoriti,treba dočakati kak se šika, bez razvrata, prostuoti, diranja zemlje od Velikoga četrtka, kriča, cvilenja, dielanja luoših stvari. Gda kak čovek dočakaš Vuzem s svuoji najbližeši i najmileši, znaš kaj on znači... Da Uskr nijiesu ni masna šujnaka, ni velika jajca , ni lijiepi mladi luk, ni čukoladni zajci i pisanice, nek čista ljubaf prema Bogu, bližnjemu svuojemu; susedu, siromaku šteri šepa po cesti, čoravomomu i nakinđenomu... Sakoga prigrni te dane, a i furt. Zapamti tuo“, prozborila je baka i dala nam dosta razloga za promišljanje u ovo predblagdansko vrijime.