Gda vidiš da nešči hodi po svijietu tak da z nosem se češe vu nebe, mam znaš kulike je vur. Moja je babica znala reči da visoke glavu nesi same prazen klas.

Niš zate kaj bu mi nešči tuo zameril kaj govorim grube rijieči, a več sam stara . Tuo ti je tak, govorila je naša hraščinska baka Ivka, pučka „mudrica“. A što je to u ljudima da se iako praznoglavijako ponose sa sobom

„ Je, znašd a baluon najvišeše prejde v nebe. Zake ? Pak zate kaj je vu njem same luft i niš jakoga i teškoga kaj ga bi dele vlekle, kak je mozak. Viš da i vu vuode furt spliva gore one kaj nema niš vu sebe, drek primerice (smijeh). Tak ti je i vu životu, gore ti naviek znaju splivati oni šteri su šuplji, ali se znaju dobre pretvarati i cifrati. Spametnoga čovega tuo ne muči jer zna da su takvi kratkuga vijieka„, tvrdila je starica.

Mogu li se takvi „spustiti“ na zemlju ?

„ Hm... Teške...Furt su vu luftu se dek ih neke ne vudri po glave jer takvi ne razmeju lijiepu i mudru rijieč nek botu. Gda im se tuo dogodi, je onda je kraj svijieta, si su jim krivi za sramotu i zate kaj su trusnuli na zemlju. I još je dobre gda se dočakaju na rit, nek je vrag da opanu na glavu i više se nemru stati z poda. Onda znaju prejti i vu žutu hižu, tam gde v jutre kopaš grabu, a popuoldan tu istu z zemlju zamijiečeš. Je, ni tuo nije sramota če si betežen, same je grde ak se z bedastuoče i prostarije tam dotiraš. Jer si nedaš dopovedati i misliš da si najspametnejši na ovomu svijetu. A gda si te ili ta same male premisliju i pitaju se : kak bi tuo bile da sam ja jedine vu pravu a si drugi su vu krivu i niš ne veljaju. Tuo ti, sinek dragi, nemre biti i na dobre ziti. Zate pamet vu glavu i bude pošteni i ponizen, baš če da si i kralj, furt se ponašaj kak sluga, siem na usluge u furt da si barajt za pomoči i biti čovek „- savjetovala je baka, digla se od stola, stavila naočale i krenula u svakodnevnu šetnju.