Sreča ti je,sinek dragi,varljiva stvar. Gda te krene i imaš sreče, onda ti se vidi da se moreš, da te nišči nije raven. Kak da po nebu hodiš i zabiš kaj si bil i pune put od kud si krenul i gde si se, Buog mi grijieh opresti, zlegel. Gda si srečen, uh, kak te si rada imaju. Dobre ti ide pak častiš pajdaše, napijaš ih, najiedaš... A gda ti sreča obrne pleča, e onda jaosiga tebe. Onda ti se vu glave razbistri kaj si delal dok je bile blagostanje. Zate se veli : Sreča pamet zeme, a nesreča ju vrne – znala je govoriti naša hraščina baka Ivka, koja je bila mala hodajuća riznica mudrosti. Što je baka još govorila o sreći ...

„ Ve vidiš da z sreču treba biti oprezen. Ne šalim se... Gda se sam za nju boriš i mučiš da neke imaš, neke postigneš, da bu i drugijiem bolje, a n same tebe, tuo ti je prava sreča. A gda svoju sreču ziđeš na tuđe nesreče, onda ti tuo nije sreča nek tatbina. Jer najvekši je tat on šteri koristi tuđu buol, jad i nepriliku da ga oženi, za peneze mislim. I rabi ga da mu dijiela za male peneze. Ili mu posujuje peneze za veliku kamat. Takve ti sreče, veruj mi, ne treba „, savjetovala je baka. Treba li javno pokazivati svoju sreću, pitamo staricu.

„ Ne bi savetuvala jer je pune više onijih šteri Boga moliju da ne uspeješ i da ti se propane, nek onijieh šterem je drage da si srečen. Znaš, gda si pun sreče, onda jedine sam sebe ne poznaš, a si su ti drugi veliki prijatelji. A gda te ona napusti, onda tebe nišči ne pozna, same sam sebe. Same je onda kesne jer si, ili potošil peneze, ili restepel grunt, ostal bez babe, dece ili koga drugoga sebe miloga. Onda kajanje ne pomaže nek borba „, bila je uvjerljiva baka. Kako se to bori za sreću?

„ Je, muoraš znati da same hrabre sreča prati. Šte je semu strahu, niš se ne usudi poduzeti i onda se vu se zapre i nemere biti srečen. Če ti z prve ruke nejde dobre i jake ti je teške, naj posustati, založi se za neke, posel ili čoveka, kaj got, budi pošten i idi napre, naj stati. I sreča ti bu došla. Sreča ti je kak lijiepi tič šteroga vidiš same da prše po zraku i misliš da ga neš nigdar vlovil. A če si hraber, peš si sesti na onu granu od črišenje na šteru on dolazi. I naj z rukami maftati i kričati nek ječ v miru čriešnje, ne požrtne, i popijievaj si. Tič bu došel i krej tebe bu zobal. Naj ga zgrabiti za vrat i tiskati k sebe, da ti sreča ne pobijiegla, nek ga pusti da odprše kam mu je vuolja. I on bu srečen, a ti još bolje. Ve si, valjda, zaključil kaj je najvekša sreča. Sloboda. Ali ne same tvoja ili moja, nek sičija“, ustvrdila bi baka.