U zadnje vrijeme Gracia je prilično napredovala u komunikaciji s nama. Kaj god da joj veliš ona pita „Zašto?“. I kaj god da joj veliš ona te pogleda i pita „Zašto?“. Isto tak hoče sve znati. Neki dan je samo hodila po hiži, kazala kaj je stigla i spitavala „Kak se ovo zove?, Kak se ovo zove?“. Usavršila je vožnju na biciklu. Zapraf nije to bicikl. Zgleda ko bicikl, ali nema pedale. Ima govrnal, ramu, kotače, ali nema pedale. Neg se z nogami odgurava od poda. I još sam pozabil napisani nekaj kod znatiželje njezine. Gde god da vidi da nekaj piše mora pitati „Kaj to piše?“

Bliži se i početak škole. Ove godine nema nikakvih iznenađenja. Na vrijeme su bili objavljeni popisi knjiga. Cjene su takve kak i piše na internet stranicama Ministarstva. Zapraf me je iznenadilo kak, za sad, sve to funkcionira.

Gotov mi je godišnji. Počel sam natrag delati. Nekak baš nisam h pondeljek s voljom išel na posel. Vlakovi još uvjek voziju. Je da peljaju pomalo, i s premalo vagona, ali peljaju. Sad sam se zmislil da vam na kraju nisam napisal kak sam išel na more. Mislil sam iti s cugom, pa na katamaran. I to bi me sv skupa koštalo oko 150 kuna. Ali kak sam dan prije nego kaj sam mislil iti na more napravil posel, teri sam imel za napraviti ranije nego kaj sam mislil nazval sam autobusni kolodvor u Zagrebu i pital e ima mesta h autobusu. Kad mi je teta rekla da ima odluka ja pala. Idem s autobusom. Malo je skuplješe nego kaj bi bilo s cugom i katamaranom. Ali sam za 4 vure lagane vožnje došel na odredište.

Več sam pisal da ima dosta turista, ali da se slabo troši. Istina. Ali kako gde. U blizini bakine hiže ima nekakva točionica vina. Od jednog poznatog vinara iz Istre. Svaku večer je tam sve puno ljudi. Litra vina košta 16 kuna. Od bijelog ima malvaziju, a od crnog merlot. Mene je tu mučila jedna druga stvar. Točiona je na takvom mestu da se do nje nemre dojti ni s autom, a kam s kombijem ili kamionom. Pa sam si mislil kak on tam dopelja vino. Sve dok jedno jutro nisam saznal kak. Zapeljali su kamionček do kud se more dojti, razvljekli šlauf i pretočili. Mam mi je bilo lakše.

Na onom fejsu je iz dana u dan se več i več igrica. Žena je počela igrati nekakve Štrumpfove. Gledim ja to i pitam. „A gde je Gargamel?“ jer mi je logično da ak su tu štrumpfovi da je tu negde i Gargamel. Ili bar Azriel. Veli ona meni da nema Gargamela. Kaj je sljedeče? Tom i Jerry bez Jerrya?