Prethodna kolumna
Slijedeća kolumna

Dnevnik tate Bena: Svečano otvorenje

Piše: Tomislav Benčić

Ja, definitivno, nemam sreče u životu. I kaj god da napravim, napravim krivo. Kaj mi se dogodil


Ja, definitivno, nemam sreče u životu. I kaj god da napravim, napravim krivo. Kaj mi se dogodilo h pondeljek? Idem na posel. I kad smo došli do Zagreba vidim da deždž curi. A ja, nemam kišobran. Srečom pa dolje h pothodniku ima tam jedan kaj, između ostalog i kišobrane prodaje. I kupim jednog. Plavog, kariranog. I zidem van s podhodnika i nakon minutu prestane cureti. Nakon pet minut se i sunce pokazalo. Sve to meni u inat. Jer sam kupil novi kišobran. Da nisam, curelo bi još i sad.

Vidi se da su izbori fest blizu. Počela je sezona svečanih otvorenja i polaganja kamena temeljaca. Pa se vladajuća garnitura rastrčala po državi i otpiraju sve i svašta i polažu kamene temeljce- gde god stigneju. Nema veze za kaj. Bitno je da se položi. I nije tak bitno da se položi i hiti lopata betona, nego da se poslikaju pred fotoaparatima i kamerama.

S ponosom mogu reči da mi je veranda gotova. Šogor ju je pogletal, a kak je to napravil dok sam bil na poslu mam je i pomalal. Štekere i prekidače sam hčera prišrafil, zabil sam lajsne oko vrata i sad je veranda spremna. Ali, još nije svečano otvorena. Pa ak ima zainteresiranih za svečano otvorenje morete mi se hjaviti. Jer gletanje i malanje verande je primjer kako mali čovjek, vlastitim sredstvima, dobro uloženima može nešto učiniti. Ta veranda bude imala dugoročno veliku i nesagledivu ulogu za boljitak moje familije. Posebice za zdravlje, jer bu ta veranda u skorije vrijeme pretvorena u prostor za pušenje i jedino se bu tam pušilo. S tim se bu izbegel dim od cigareta u ostatku hiže. Bar u onom djelu koji žena, deca, pes i ja koristimo.

Isto tak, u dugoročnom planu imam tam na onom komadu zemlje gde imamo vrt napraviti nekakvu kučicu malu. Onak, za alat da se ima kam pospraviti, eventualno nekakef podrum, morti i mala sobica, tek tolko da mogu pobeči od doma i imati kam prejti, recimo, s dečkima na kartanje. Mogel bi i nekakvu sobicu za prespati napraviti, malu kuhnjicu to bi bilo to. I još nekakva terasa. Problem je kaj za sad nemam potrebitih sredstava za to. Kaj i nije tak bitno. Kamen temeljac za to se more deti tak i onak. Kaj nisu morti za bolnicu na Bračku položili jedno deset kamena temeljaca prije nego kaj se počela delati?

Moremo i pri meni doma još jen kamen temeljac položiti. Taman bi mi ispred hiže dobro došla jedna terasa. Ja bum dal prostor za polaganje kamena temeljca i dam drijevo za šalung. Imam i mešalicu za beton. Onaj, teri hoče to delati nek se pobrine za malo šodra (jedno 5 kubika), cement i željezo. I samo da napomenem da nemam nikakvih političkih predrasuda i da sam otvoren za sve političke opcije.

Facebook