Gracia je s nama krenula na viši nivo komunikacije. Više nema da cendra i s rukom kaže na to kaj hoče. To je stvar prošlosti. Sad ljepo kulturno pokaže kaj hoče i veli „To!“. Sve je TO. Pa ti znaj kaj ona zapraf hoče. Nije problem kad pokaže prema nečemu kaj je samo negde, ali je problem kad pokaže na policu s medekima i ostalim plišanim životinjama i veli TO. Zadnjih par dana je bila malo nemirna i h nedelju je na vidjelo zišlo zakaj je to bilo tak. Zišel joj je i peti zub.

Najbolja od svih žena me je pak iznenadila. A mislil sam da me nakon tolko ljet kaj skupa živimo više z ničim nemre iznenaditi. Ali je uspela. Več par vikenda za redom peče kolače. Kad je prije par tjedni spekla kolač sam si mislil da joj se dogodilo to jer je i prije tu i tam znala speči kolač. A sad joj je to postala praksa. Taman kad sam skinul skoro 10 kil. H nedelju je spekla munchhhmalloww ili kak god da se to piše. Pa sam i ja nju iznenadil. Kad mi je ponudila da poližem ono kreme kaj je h lončekima ostalo odlučno sam to odbil i rekel naj si deca to zemeju. Patricija se nije bunila i tak je to posmicala da lončeke skoro nije trebalo niti prati. Baš me zanima kaj bu of vikend spekla.

Pak sam počel gledeti televiziju i pak sam se počel žifcirati. Vidim da buju novi izbori. Za precednika. Kandidati se jen „bolji“ od drugoga. Ovo je prvi put da dolaziju izbori a da ja neznam za koga bi glasal. Niti neznam čemu opče precednik služi. Ovlasti tak i onak nema skoro nikakve. Jedino kaj precednik (mislim tu na funkciju, a ne na trenutnog precednika) ima je dobra plača, službeni auto i službena hiža. I službena kuharica i spremačica i vozač i vrtlar,… Pa mogel bi se i ja kandidirati.

Več dugo jen Zagorec ni bil precednik. Mislim da se žena nebi bunila da nešči mesto nje kuha, pere, pegla, posprema,… Ja bi čist lako jemput tjedno na televiziji nekaj rekel ili izdal priopčenje o nečemu. Jemput mesečno bi prešel na nekakvo putovanje i tam bi rekel da trebamo povečati međusobnu trgovinsku razmjenu i omogućiti da njihove firme delaju nekaj pri nama i da naše delaju pri njima. Onda bi potpisali i sporazum o tome, pred kamerama bi se rukuvali i kušnuli i onda bi prešli na svečanu večeru ili prigodan domjenak. A isto tak bi tu i tam nekog stranog državnika prijel u posjet i se ovo gore navedeno bi opet napravili. Zbilja je teško biti precednik.

Ipak se sad još nem kandidiral, ali morti za sljedeće izbore…
Meni osobno se s druge strane dopada kaj su izbori. Znam da bu država nam kaj za državu delamo dala plaču i to na vrijeme. Samo me strah kaj bu poslije izbora. E bu plača na vrijeme ili bolje reči e bu opče plača ili bu plača.