Našli smo žena i ja način kak hjutro još malo zabaviti Graciu nakon kaj zvlječe flašicu, da si na miru spijemo kavu. I naša Gracia, ko i sa druga deca voli gledeti crtiče. Odnesel sam DVD h sobu, prikopčal ga na televizor i se je bilo spremno. Čim sam pustil Fifi Gracia je to gledela h miru. Onda sam obrnul televizor prema kinderbetu, del nju nutra i nismo ni glasa čuli od nje. More ona dobrih pol vure crtane gledeti. Problem bu nastal kad joj taj DVD dosadi. Drugi crtani još baš nisu interesantni, a Fifi imam samo jen DVD. To nisam kupoval kad su ove druge dvije več prevelike za to, nego je žena taj jedan zela skupa z nečim još, kak več to zna biti h paketu.

Patricija mi je prošli tjedan bila betežna. Ne, nije gripu imela. H školi je malo krivo stala pa joj je doktorica zamotala nogu i rekla da mora mirovati. Pital sam ja nju e je zvala koga z razreda da zna kaj su delali h školi, kaj je bilo za zadaću, a ona mi veli da nije nikoga zvala. Več sam štel biti hud, ali je nastavila i rekla da su se tipkale na emesenu i da se zna.

Sandra na kraju nejde h Pulu na smotru Društva naša deca. Nije h njoj problem nego je smotra otkazana do proljeća kad prejde malo panika oko ove svinjske gripe.

Prošli tjedan je naša precednica vlade na televiziji rekla da več pri nami nebu diskriminacije. Da se več h knjigama za školu mame nebuju pokazivale h fertunu i s kuhačom h ruki, a tate na fotelji h jednoj ruki piva, h drugoj daljinski. Jer je to diskriminacija. Jer tek zapraf pri nama nije. Žene i majke kod nas doma ne kuhaju, ne pereju posudu, ne pereju veš, ne pospremaju, ne čistiju, ne peglaju,… I zato ih se nebu smelo pokazati da to delaju. Jer je to diskriminacija. Jer deca nesmeju videti h knjigama ono kaj doma glediju. Niti muži ne sediju pred televizorom, niti ne glediju utakmice, niti pivu ne pijeju. Se treba prikazivati ravnopravno. Pa kad buju deca učili o rudnikima, onda bu tam slika plavuše, h minici i štiklama s krampom na ramenu i šljemom na glavi kak ide h rudnik. A muži buju prikazani kak h jednoj ruki imaju kuhaču, a h drugoj meklu. Onda bu to sakome po volji.

Valjda se onda niti nebu smelo govoriti da je tu pri nami h Zagorju 0,5 promila u zraku, da su dalmatinci ljeni, da su ovi glupi, da su oni škrti, da su ovi onakvi, a oni onakvi. Nebu se smelo reči niti da se Zagorci za saki dre. tužiju i hodiju na sud. I kad dojde taj zakon prvoga teri bu to rekel bum tužil.