Iako sam putovanje s željeznicom prorjedil na minimum minimuma ipak i u to malo kaj se s cugom peljam vidim da nekaj grdo ne štima. Prošli tjedan sam bil auto ostavil na servisu jer mi je malo trokiral dok je bil mrzli hjutro.

Čim bi se mašina zagrijala delal je normalno. Više-manje. Kak h servisu nisu bili sigurni kaj se točno događa rekli su mi da ga ostavim pri njima da oni hjutro vidiju kaj mu je dok je još mrzli. I normalno da su našli grešku i popravili to. Kabl na svečicama mi je bil u prekidu, i čim su mi zmenili kable ljepo i normalno auto dela.

To kaj je bilo s mojim autom zapraf nema veze s tim kaj vam hoču ispričati. Zapraf ima. Jer da mi je bil na raspolaganju ne bi sve to videl kaj sam videl. Valjda več i vrapci na granama znaju da nigdar nema dosta vagona. I da je furt gužva. Ali ni to nije bitno za ovu priču.

Tak sam jen dan nakon posla krenul na stanicu na cug. Usput sam prešel h Importane pogledati e ima h onim dučanima gde se igračke prodajeju nekakvih clics kocki. To se Gracii h zadnje vrijeme jako dopada. Svojevremeno su h jednoj dječjoj hrani djelili male pakete toga i tak je to ostalo doma. I Gracia h zadnje vrijeme to ljepo slaže i izrazila je želju da bi ona još toga štela. Pa sam ja ko pravi tata krenul odma videti gde toga ima za kupiti. I h teri god dučan sam došel ne samo da nema tih kocki, nego su me tam bljedo gledeli kaj da sam h najmanju ruku iskal raketu s nuklearnom bojevom glavom.

I nakon svega toga prejdem do cuga i sednem si h vagon. I to ne kakaf god. Nego h novoobnovljeni. Prepun tehnike i tehnologije. Pritisneš gumb i vrata se otpreju. Ima klimu. Tera i sad kaj je malo zima puše mrzlo. Uglavnom sednem si i vidim na peronu pokraj cuga četiri (4) konduktera. Dva si sediju na klupici, dva stojiju.

Kad dojde neka ženskica do vagona, malo zbunjeno gledi h te novotarije, pritišče nekaj, ali vrata se ne otpiraju. Ovi četiri malo prije spomenuti kondukteri glediju h nju i niti jedan da bi napravi ta dva koraka i pokazal kak se vrata otpiraju. Nego su malo počakali dok je ženska prešla dalje i si 4 se počneju smijati.

Nemrem sad tvrditi da su se smijali kaj ženska nije mogla vrata otprijeti, morti je baš h taj čas nešči od njih neki vic ispričal. Pa su se zato podrapali od smijeha.