Več dugo nisam ni riječ napisal o svojem voljenom gradu. Najvjerojatnije zato kaj sam dosta slabo po gradu. Samo delam i delam. Doma dojdem samo jest i spat. Moja žena bi dodala još i jednu riječ na S. Pa ne vidim kaj se po gradu događa.

Prije dok je Gracia bila mala i dok sam šetal kolica po gradu, normalno i Graciu h kolicima, videl sam skoro se kaj se događa. Ovak kak je sad krečem se samo po pravcu doma - željeznička stanica, uz uvjet da idem s cugom na posel. Najčešće idem s autom pa se ne stignem niti na taj kratki potez osvrnuti. Z auta vidim jedino kak napreduje stara zagorska magistrala. Sad se vozi slalom. Malo se peljam po staroj, pa čez Trgovišće, pa opet malo po staroj zagorskoj, pa malo čez Pojatno i opet po staroj.

Ja se h cestogradnju ne razmem i zato mi valjda nije jasno zakaj se to obnavlja na preskokce. Kaj se nije moglo to po redu delati? Pa da se krenulo od Zaboka, pardon od Oroslavja, jer je to ipak legitimni teritorij grada Oroslavja, ili obrnuto od Zaprešića pa da se išlo po redu komad po komad. A ne ovak. Nekak mi je logično da bi brže išlo i s manjim troškovima da se dela po redu, a ne malo tu, pa malo tam, pa opet malo tu. Ali ja nisam stručnjak za cestogradnju pa to ne razmem, kak sam več i napisal.

E, da. Našel sam novotariju h Zaboku. Nova parkirna mesta s naplatom. Dojdem ja neki dan na onaj parking između nekadašnjeg ZIVT-a i nekadašnje Industrijske, danas Prilaza dr. Franje Tuđmana i zagledam novi prometni znak. Veliko P, a ispod njega i tabla na kojoj piše da se naplačuje parkiranje, da je to 3. zona i da je parkiranje 4 kune. I strelica prema ljevo da se tam kupi parkirna karta.

Pogledam ljevo i nigde ne vidim parkirni aparat. I gde da kupim kartu? Najbliži aparat za prodaju karti je tam pri dimnjaku. Dok ja stanem tam gde sam maloprije napisal i prejdem do tog aparata kupiti kartu več je prešlo pol vure.
Dan prije toga išel sam h dučan teri je h nekadašnjem ZIVT-u i teri ima svoj parking. I vidim puni parking. Pa sam mislil da je h dučanu gužva i da se nekaj zabadaf dijeli. A h dučanu je bilo pet ljudi. Tek kad sam saznal da se okolo naplačiva parkiranje mi je postalo jasno zakaj je tak bilo.