Krajnje je vrijeme da Gracii kupimo krevet. Njezin kinderbet je njoj još dosta veliki i ima h njemu mesta i za nju i za omiljene igračke. Trenutno je h kimbaču Taba (jastuk na kojem je žaba), Vava (plišani pesi jen običan plišani pes vulgaris i jen dog), Lino (isto plišani pes, ali zgleda ko šogorov pes Lino), Koni ili Kona (zavisi kak koji put veli za plišanog konja rozog), te Beba (dječja lutka obična, samo kaj ova „govori“ mama, tata, plače se i još nekaj dela) i duda (flašica od maloprije navedene bebe).

Trenutno je h kimbaču i donji djel pidžame kojeg je Gracia po noči sljekla, jer joj valjda bilo vruče i nekakav zeleni plišani medo kojeg nikak posebno ne zove. I nije problem u prostoru u kimbaču, nego je Gracia počela siliti van ž njega. Več je tolko zrasla da more jenu nogu deti na gornju desku, ali se još nemre prehiti prek nje. I mesto da čekamo da dovoljno zraste da se more prehiti prek te gornje deske i opasti naklu moramo detetu kupiti krevet. Malo smo pogledali po internetu i nigde nisam videl krevet kaj bi bil dimenzija ko kinderbet, samo bez onih stranica sa strane. Se kaj je h tim dimenzijama ima te ograde. A takef bi nam najbolje pasal da dojde na mesto kinderbeta h našu sobu, da ne moram nič premekavati.

Za divno čudo dobri odnosi između Patricije i Sandre još trajeju. Obično su si dobre dok delaju kakvu glupost. Pa se onda pak posvadiju. Patriciji smeta dok Sandra popjeva h sobi, Sandri smeta kaj Patricija vužge svetlo, pa jednoj smeta kaj je druga razmeknula zastore, i tak u nedogled. A zadnja jedno dva tjedna je mir. Ne svadiju se i jednoj ne smeta kaj druga dela. Još da i pospraviju sobu koji put bilo bi super. Nemrem reči da ne pomogneju pri hiži. Tu i tam opereju i pospraviju posudu, ponekad i usisaju, Patricija zna i palačinke speči. Sandra se oprobala u delanju kolača. Zanimljivo im je kad se meso za pohanje panira i to obadvije voliju delati. Bilo bi dobro da večinu tih stvari delaju bez da im se mora zaprijetiti da neju smele iti van. Pa ja sam tek sad skužil kak zapraf imam dobru decu.

Za razliku od nekih čija deca, sad kad su velika nisu baš dobra. Ali se svejedno ponašaju ko da su u drugom osnovne. Cjeli dan oni raspravljaju gde bu ko sedel. I teri je čiji stolec. I gdo bu kraj koga bil. To je valjda bitno zbog prepisivanja. Za te peneze bi ja i na podu tam između ljevih i desnih sedel. I to saki dan. Čak i kad nema sjednica bi došel tam sedeti. Onda se još i novinari pokušavaju našaliti s tim. Pa su se zmislili nekih davno otpopevanih pjesmi ko na primjer (Vratija se Šime), pa se zmišljavaju i nekih filmova (Lesi se vrača kuči), a ja bi ko nekakef policajac rekel onu dobro poznatu „Zločinac se vrača na mjesto zločina“.