Prvo vam moram reči kaj nam se dogodilo prošli tjedan. Imel sam slobodni dan. Ali sam se več po navadi zbudil oko pol pet. kad sam se več zbudil skuhal sam kavu i zbudil ženu. Na miru smo si spili kavu, pa se ona prešla oblačiti, šminkati, frizuru napraviti i se kaj več jedna žena dela hjutro.

Kad je žena sve to zbavila došlo je vrijeme da krene na posel. Zeme svoju torbu i još nekaj išče. Nemre najti ključ od svojeg auta. A ima samo jednog ispravnog. Pogleda ovde, pogleda onde, raskopa torbu, prevrne džepove, ali ključa nema. Na to ja ko dobri muž pokušavam nju smiriti. Ponudim joj da prejde na posel s mojim autom, a da se bum ja nekak snašel če nem našel ključ od njezinog. Ne bi se Gracii nič dogodilo da ju jemput pešice otpeljam do vrtiča.

Ali postoji još jedan problem. Ključi od posla su joj h autu. I nemre na posel bez ključeva. Onda sam se i ja ko kakav takav policajac uključil u potragu za ključem. Prvo je krenulo smirivanje panike. Seli smo si i zapušili. Te smo krenuli rezimirati kaj je sve žena delala od kad je dan prije došla doma. Pa smo na svim mestima kojih se mogla zmisliti poiskali. Ali ključa nema! Nema! Onda smo krenuli iskati kojekud. Ali bez uspjeha. Zmislili smo se da Gracia ima običaj tu i tam nekaj skriti. Pa smo i nju pitali e je ona skrila ključ. Veli da nije. Pa onda je uslijedila još jedna runda kompletnog pretraživanja uzduž i poprijeko. Bez uspjeha. Nema i nema.

Prešla je žena još pogledati da ga nije ostavila h autu. Nije. Pa je usput pogledala i put od garaže do ulaznih vrata. Nema. I kak ga nigde nije bilo došel sam do zaključka da ga je ipak Gracia nekam skrila. Ali kam? Preiskal sam njezine igračke. Ništa. Pa njezin krevet i oko i ispod njega. Nema. Pogledal sam i kantu za smeče. Nič. Pa sam se zmislil da zna i u frižider skrivati stvari. Gle, tu je. H frižider ga je skrila. Gdo se bi tome nadal?

Tu i tam Gracia, ko i svako malo djete zna neke stvari krivo izgovarati. O mnogima sam več pisal. Prošli tjedan smo čuli jednu novu. Pitala ju je Željka (moja žena) da li je ujutro kad ju je dopeljala h vrtič popila čaja. A Gracia ko iz topa ispali: „Ne, pili smo kompost. Od ananasa.“