Da nisam tak pristojan kak jesam mogel bi odgovoriti na ovo pitanje jednom prostom rečenicom. I to duplo prostom rečenicom. Bila bi prosta u gramatičkom smislu, ali bi bila i prosta u tom smislu da bi bila bezobrazna. To tak i onak svi znate.

Nekima se to ne dopada pa prosvjeduju. Naročito po našoj metropoli. Za sad se drže tempa da je prosvjed saki drugi dan. I onda obilaze centar grada. Na Markov trg se več niti ne trude dojti. Pa obilaze poslovne prostore stranaka i zgrade gde živiju političari. I onda se čudom čudiju kak to da h petak h 8 vur hvečer nema nikoga u zgradi gde je središnjica vladajuće stranke. Zamislite! Te prosvjede ne doživljava skoro nišči od političara. Osim morti onih ispod čijeg prozora dojdeju prosvjedniki. Morti bi veči efekt bil da su ti prosvjedi oko pol dana, a ne hvečer. Jer oko podneva bi se još nekoga moglo najti na poslu u raznim središnjicama stranki ili nekim državnim institucijama. Ovakav način prosvjedovanja ima i svoju dobru stranu. Bar se ljudi malo prešpanciraju i nisu furt h zaprtom. A i stručnjaki veliju da šetnja dobro dojde za zdravlje. Znači da ipak nekakva korist od ovih prosvjeda.

Ovaj tjedan je bogat raznim danima. Te je dan žena bil, pa fašnik, a počela je i korizma. Oko toga kaj se smije i kaj se nesme davati ženama sam več pisal. Poklon mora ispuniti dva zahtjeva. Da ga koristi samo ona i da more poslužiti samo njoj. Pa je najbolja od svih žena dobila takav poklon ove godine. Kaj sam joj kupil to vam nem rekel. Fašniku se Gracia fest razveselila. Kupili smo joj kostim leptira. Krila kaj se deneju na leđa su joj se tak dopala da ih nije dala skinuti.

Imali smo i zanimljiv odlazak u, nazovimo to šoping. I ove godine imamo namjeru delati vrt. Ali ženi ne pašeju štihače koje imamo pa smo prešli h dučan gde toga ima da joj kupim kakva joj paše. Nismo takvu našli, ali sam si ja zato kupil set novih šrafcigera i ključeva kaj su z jedne strane viličasti, a s druge okasti. Kak sam si i ja trebal kupiti nekaj prešli smo h još jedan drugi dučan. Tam si ja nisam našel kaj sam štel, ali je zato žena našla stvari za Graciu i za sebe.

Na šogora sam se rasrdil. H subotu hjutro sam opral auto, dopeljal ga h garažu i prešel na posel. U međuvremenu dok sam ja bil na poslu je žena mojem šogoru posudila auto jer si je nekaj hitno moral obaviti, a auto kaj si je kupil još nije preuzel. I h nedelju hjutro dojdem do garaže i imam kaj za videti. Auto je bil h blatu se do krova. Žena veli da niti nije išla do garaže, znači ostaje jedino šogor. I on tvrdi da nije nigde h blatu bil. I kaj sam bil za napraviti? Oprati ga opet.