Prethodna kolumna
Slijedeća kolumna

Dnevnik tate Bena: Nema pomoći

Piše: Tomislav Benčić
Zamislite si jednu čisto normalnu situaciju. Hočete si ispred hiže napraviti terasu. Za početak k

Zamislite si jednu čisto normalnu situaciju. Hočete si ispred hiže napraviti terasu. Za početak kupite šoder, cement i malo željezja za armaturu. Lopate imate, mešalicu imate, letve i druge drvene stvari za šalanje imate. Kaj fali? Par prijatelja, gajba pive i roštilj. Nije problem kupiti gajbu pive i meso za roštilj. Nije ni problem najti familiju i prijatelje za pomoć. Sigurno imate par ljudi kaj buju vam došli pomoći. I tak se najdete u dogovoreno vrijeme na dogovorenom mestu. Za dobro jutro si drmnete nekaj „maloga“ i onda se podjeliju zadatki. Jer prava organizacija je pol posla.

Uvjek se bar nešči h okupljenom društvu razme h građevinu. I znači da nema bolje osobe za organizirati posel. Em se razme h posel, em pozna se ljude i zna gdo kaj zna i more. Pa napravi raspored: „Vas dva skopajte rupe za temelje, vi budete zašalali, a vas dva na mešalicu, za početak treba malo jakši matrijal, recimo 3:1.“ I krene se delat. I da ne pozabim furt mora biti jedan kaj bu dvoril. Pod to se računa da dela gemište i nosi pive. Jer zna se da je onima na mešalici sako malo „suhi matrijal“, onima kaj šalaju drhtiju ruke pa si moraju male spiti da se ne bubneju s kladivcem po prstu, a niti ovi kaj kopaju nisu pesi pa i njima treba dati piti. I uz dobru organizaciju rada lako je moguće da se sve isti dan napravi. Pravi meštri to tak poštimaju da su gotovi s poslom h isto vrijeme kad je i roštilj pečen. Tak to funkcionira več godinama.

Mogel sam mesto građevine za primjer zeti berbu, ili trganje kuruze ili bilo kaj drugo. Ono kaj sam štel reči je da je tome došel kraj. Nema više takvog posla, nema pomoči! Jer je naša vlada rekla da ti sva familija več nemre pomagati, a niti prijatelji če su doma več od 500 metri od tebe. E sad e je to 500 metri po cesti, ili 500 metri zračne linije. E postoji kakva tolerancija od par metri sim tam? E se ta udaljenost računa od mejaša ili od kučnoga praga? Kak bu inspektor utvrdil tih 500 metri? Bu imel štrik od 500 metri pa ga bu išel razvlačiti? Ili kartu „specijalku“ pa bu sa šestarom meril? Ili bu možda sa sobom imel laptop i na google earthu meril kolka je udaljenost?

Napisal sam i da ti nemre sva familija pomoči. I nemre. Recimo šogor ili tast ti po novom prijedlogu tog zakona nesmeju pomagati.

Kak bu uopče dokazal da nešči dela nekaj? Bu na primjer videl dva na mešalici. I kaj je problem inspektoru reči da ta dva ne delaju nič, nego da su došli kupiti mešalicu i da sad za probu mješaju malo. To je isto ko kad idete auto rabljeni kupovati. Sigurno bute napravili probni krug. Tak se valjda more i za mešalicu napraviti koje probno mješanje.

Na kraju opče tih 500 metri i nije bitno. Bitno je da je naša vlada došla na tu ideju kao jednu od spasonosnih mjera izlaska iz krize.

Facebook