Lahko je sedeti doma pred televizorem i gledeti kak se v Slatini ljudi buniju protiv azilante. Kaj mislite dragi Zagorci da se to nas ne tiče? Ak se sad ne angažirame i dame podršku Slatinčanima poklje bu kesne, a ja vam tvrdim da je to naš zajednički problem bez obzira živeli v Slatini ili Bedekovčini.

Najprije pitam se one koji zagovaraju izgradnju ovoga centra da li bi bili zadovoljni kad bi se takva ustanova delala pokraj njihovoga plota? Borbu da se odustane od te ideje vodiju mještani Stubičke Slatine kojima su došli u pomoć takozvani političari. Ali kak' naši političari navek v jednom žepu držiju figu, tak od njih nije moguće očekivati pravi angažman za rješavanje ove stvari. Zakaj si županica ili saborski zastupnik ne dopeljaju azilante k svojoj hiži? Županici bi pasale da joj Kinezi pomoreju licitare delati, a saborskomu zastupniku šrafe. Azilanti pune menje koštaju od domačih ljudi. Zato bi im poručil, zastupajte te ljude ak ste njihovi zastuniki! Političari imaju svoje interese, stranačku stegu i figu v žepu, a stanovnike Slatine ko j… Ionak' ih je male, pa se za njihov glas nije vrijedne preveč truditi.

O azilu se tuče z leve i desne, a da prave utjecaje toga centra nišči ne vidi. Kak sme čuli, bila je delegacija v Ljubljani. Tam je iste azil centar, navodno se lokalci ne buniju. Pa nemrem verovati da niko ne kuži da je Ljubljana grad, a centar je smješten v industrijskoj zoni. Koga tam opče ima da bi se bunil. Azilante koji se razbejžiju po Ljubljani niko ni ne primjeti. A kaj bi se desile v Slatini? Tam bi azilantih bile više neg domačih ljudi. Ti azilanti nisu v zatvoru. Oni moreju van, moreju delati i normalno se kretati, same se moraju vrnuti na vrijeme nazaj. A kaj to znači za ovaj kraj v kojemu ni domači ljudi nemreju posla najti!? Azilanti buju, zbog toga jer im je svejedno da li kaj zaslužiju ili ne, delali za mizeriju i tak našima oduzimali posel. Ima tu zakonskih ograničenja, ali zakon živi v Zagrebu, a azilanti v Slatini. Ko bu to kontroliral?

Osim toga, na Sljemenu se dela zimski sportski centar, Stubičke su turističko mesto, a Medvednica park prirode. Pa zakaj onda država ne da da se v Slatini (ko nije bil h vojarni – to je veliki lijepi kompleks u podnožju Medvednice), napravi turističko naselje. Hičeju nam pijesak v oči z nekakvih trideset radnih mjesta, a kolike ih bume zgubili kad se azilanti pojaviju na tržištu radne snage? Ak sme orjentirani na turizam, zakaj ovak atraktivnu lokaciju država ne da nekakvoj turističkoj firmi koja bi tu napravila ponudu, a znam da zainteresiranih ima. Zakaj se azilanti ne smjestiju na periferiji Zagreba gde bi se lakše integrirali v moru ljudi, ili na primer na Baniji. Tam je se puste, a upravo sme mi Zagorci z Slatine išli oslobađat te krajeve, pa zakaj nam onda očeju okupirati mesto otkud sme v rat hodili?

Poručujem stanovnikima Slatine - ne dajte se, jer ovo je pitanje za nas važne kak je za Slavoniju bila okupacija. Iste tak pozivam se Zagorce da pomoreju Slatinčanima v borbi protiv azila. Ak nemo pokazali zube, loše bumo prešli.
Zamislite si da kraj vaše hiže neko oče napraviti kompleks za više stotina Kineza, Kurda itd. Osim toga, kak mi se čini, projektirani kompleks mogel bi prihvatiti i par hiljada ljudi, ali bitno je da nam naguraju prvih sto i dalje ih nišče ne bu mogel zaustaviti. Da vidiš kad se po šume u potragu za vrganji razmiliju Kinezi, ili po Toplica šečeju Kurdi. Super!