Zašto se stari ljudi nikad nisu veselili toplom vremenu zimi, iako smo svi željni sunca nakon sumorne jeseni, doznali smo od naše stare suradnice – hraščinske bake Ivke, pučke prognozerke.

- Ake te zima z zubi ne grizne, onda te z repom ošine kak i kača gda na nju vu šikarju staneš. Jer zima je kak i nijieme živinče gda crkava, najopasnejša gda joj je zadnji cajt, ali još ima tulike snage da te z nuogu ritne i da tebe strga nogu ili ruku. Tak je i z zimu štera more svoje zube pokazati i na kraju trejtega meseca, pak i vu travnju kre Vuzma - govorila je baka. Za kraj zime nekad se obično vezao spomendan svetoga Matije, koji je obično padao 24. veljače.

- Ve Mateka nemrem nigde najti na katoličkom kolendaru. Seliju ga kak mačka mlade. Tuo nije dobre jer je Matek furt bil na 24. veljače i znale se reči da Matija led razbija. Jer od toga dana nijiesu nas doma puščali na potek če je i bil još smržnjen. Babica mi je furt rekla da se od Mateka naj pazim jer bi mogla čez led vu vuodu prepasti i nogu si zdručiti ili se, ne daj Buog, ftopiti kak drubne pišče. Je, mi tuo kak deca niesme rada poslušali, nek bi se smicali po ledu i to se dok jen dan moj mali sused nije prepal vu ledeni potek i jedva su ga spasili. Trli su ga z uljem i domačim octem i z vruči krpa obmatali. Jedva je preostal. Tuo nam je bila dobra škula da se nije dobre s vremenom, posebne z veljaču - prevrtaču igrati, a i da muorame poslušati starejše.

Mrti nam se, dok sme još mlajši, vidi da starci same palamudiju i govore bedastuoče, ali vu semu tome ima istine jer je najvredneše životne iskustve štere se nemre kupiti, navčiti ni zaštudijierati - mudrozborila je starica.