Upozorenje! U ovom tekstu moglo bi se najti riječi tere nisu za decu i maloljetnike. Če imate manje od 18 ljet prestanite čitati of tekst .

RODITELJI! Držite ovaj tekst izvan dohvata djece!

Kam god da se obrnete samo vas napadaju razna upozorenja i obavijesti. Uz upozorenja tu su i znakovi zabrana raznih. Sve to ima dobru debelu podlogu u raznim zakonima. I na kraju se toga skoro nišči ne drži. Tak po dučanima, birtijama i kioskima postojiju natpisi da se deci nesmeju prodavati cigarete i alkoholna pijača. Na svoje sam oči videl da deca moreju kupiti cigarete na kiosku i pijaču h dučanu. Isto tak bez greške dobiju piti h birtiji. Isto tak na raznim stvarima pišeju razna upozorenja. Samo kaj je na 99 posto tih stvari natpis tak sitno napisan, da ga ni ja kaj zbilja dobro vidim nemrem pročitati če si povečalo ne zemem. Kak bi i bila veča slova kad je na naljepnici 3 puta 5 centimetri i na njoj takvi natpisi razni na jedno 20 raznih jezika. Za pročitati to mi treba skoro vuru vremena. Prvo pol vure iščem gde kaj piše na hrvatskom i onda mi još bar pol vure treba da to isto i pročitam.

Požifčanim kad dojdem h dučan, zemem dvije, tri stvari tere mi hitno trebaju i krenem na brzu blagajnu jer mi se žuri. H skoro sakom večem dučanu ima jena ta takozvana brza blagajna. Piše iznad sake od njih da je za do pet artikli. Neki dan sam krenul delati nekaj za jesti. Če vas baš interesira kaj delal sam pohane tikvice. Tikvice su vam ono slično k buči ali manje. Zapraf bolj su slične krastavcima. Točnije plod je sličneši krastavcima, a ima lišče i cvijet ko buča. S tim da ih nisam pohal tak da ih prvo denem h brašno, pa h jajca i na kraju h prezle, nego sam ih naribal ko buče kad se ribaju za bučnicu. Pa sam ih posolil i ožmeknul, ko buče kad delate bučnicu. I kad te tikvice naribate, posolite i ožmeknete, onda iz zamješate s brašnom i jajcima kaj se dobi smesa ko za palačinke. To onda samo denete na tavicu i spečete. Ali sam ostal bez brašna. Pa sam prešel h dučan da si kupim bar kilu da imam za spohati tikvice. Več sam vam objasnil kak pri meni doma funkcionira demokracija u kojoj je moja furt zadnja. („Da draga.“).

Tak smo demokratski odlučili da bumo kaj nam treba kupuvali h dučanu gde žena dela. Tak sam zel to kaj mi je trebalo i krenem na takozvanu brzu blagajnu. Ali tam imam kaj za videti. H redu stoji baba s punim kolicima. Zabadaf je iznad kase natpis da je to brza blagajna za one teri imaju do 5 stvari. Morti da malo spustiju tu tablu s natpisom da te nepismene kokoši jekne h nos kad ideju na kasu bi to imalo nekakvog efekta. A da nešči tak s punim kolicima stane ispred takve babetine h red kokodakala bi do prekzutra.