Evo nam i prvog maja. Još jedan u nizu praznika. Samo kaj prvi maj pada h subotu. Gdo je videl takef praznik? Gdo je videl da su prazniki h subotu ili h nedelju? Poglejte na primjer sljedeči mesec. H šestom mesecu su tri prazniki i si tri su h tjednu. Bez obzira kaj je subota i kaj je praznik ima ljudi teri buju taj dan delali. Med njimi sam i ja.

Dok se buju neki od vas zbudili uz zvuke špleh mužike i budnica ja bum drijemal. Ali h cugu. Teri bu taj dan prazni. Em h subotu baš i nije h njemu pune ljudi, a ovu bu još menje. I onda se buju našli pametni ljudi teri buju rekli da nam državnim službenikima treba zeti se moguče povlastice. Jer nas je tak i onak preveč i nič ne delamo. Pa meni onda nije jasno zakaj ja moram delati i prekovremeno če nas je preveč?

Nebum sad oko praznika vam to kvaril sa svojim žalopojkama. Bu za to još dost vremena kak mi se vidi.

To kaj se bum zdigel h 5 i 15 i došel doma popoldan najraneše h pol pet ima i svojih prednosti. Obično za prvi maj se prejde kljeti i napravi roštilj, kotlovina ili tak nekaj. Kaj mislite gdo to obično pri meni dela? Ja. H subotu bum došel na gotovo. Kaj gospon čovek. Samo bum kad cug dojde do Trgovišća z mobitela nazval ženu da dojde po mene na stanicu. Dok se bu ona z brega spustila i još malo počakala bu i cug od Trgovišća do Zaboka došel. I ja h njemu. I ljepo me žena dopelja na brijeg, sednem si i krenem jest i pit.

Svaki dan nas Gracia s nečim novim iznenadi. H utorak sam nakon obeda prešel h kupaonu, jer dok sam Graciu hranil, po rukama mi se do lakta našlo i tjesta i safta. I veli Gracia ženi „kaka, kaka“. Sad je žena mislila da sam ja prešel na zahod i da kak je djete pametno da zna kam ja idem (da nem sad još i prost bum napisal) kakati. I pita mene žena da gde jesam. Rekel sam joj da sam h kupaoni i da si ruke perem. Onda mi žena veli da je Gracia povedala „kaka, kaka“ i da je mislila da ja to na zahodu delam. Pa je pogledala Gracii h pelenu, a kad ono h peleni ima kaj za videti. Dete se pokakalo. I nije govorila da ja to delam, neg je govorila da je to ona napravila i da hoče frišku pelenu.