Nisam baš neki stručnjak za politiku, ali čini mi se da su ovi kaj su sad na vlasti prilično izgubljeni. Morti i nisu, ali tak djeluju. Znam da je došlo vrijeme da se napraviju i neke nepopularne stvari. Ali zakaj sve prek grbače nas običnih ljudi, teri pošteno delamo (ili bar dolazimo na posel) da si zaslužimo za koricu kruha. Čega god da su se zmislili plačamo samo mi.

Povečal se pedeve. Novi je obračun plina, a zapraf je to preračunato kak bi bilo skuplješe. Benzin poskupljuje svako malo. Sad bu, evo i struja poskupela. I gde je tome kraj? Ne nazire se. Ti kaj su na vlasti veliju kak je to normalno, jer da je tak u evropskoj uniji. I da su cjene pri nama menjše nego pri njima. Istina. Benzin je pri nama jeftineši nego recimo h Njemačkoj. Samo kolko se h Njemačkoj dela za liter benzina, a kolko pri nama?

Uz sve to se jen med njimi našel pameten i predložil da bi oni teri su na burzi i još do sad nisu delali, mogli delati ko volonteri. Za to bi dobili 1600 kuna. i nek mi sad nečši veli zakaj bi poslodavci u budučnosti uopče zapošljavali ljude? Kad moreju s burze uzimati volontere. Međutim da ovi kaj su na vlasti volontiraju bilo bi to kao prvo olakšanje za proračun, a ko drugo pokazali bi da nisu na vlasti samo zbog velikih plača, nego zato jer voliju Hrvatsku. Samo kaj se meni vidi da im je draža velika plača.

Kak sam sad doma i malo mi je bolje prijel sam se i nekih poslova po hiži. Recimo napunim veš mašinu i denem veš prat, ili napunim mašinu za posudu prati ili skuham obed. Samo kaj po reakcijama žene bilo bi bolje da to ne delam. Ko da sam ja kriv kaj onaj plavi ručnik pušta farbu. Pa je sad Graciina roza dekica postala ljubičasta. Tak i onak je ova boja ljepša neg kaj bila ona prije.

Još uvijek se nemrem nikak dogovoriti s tim strojevima. Veli mi žena da veš treba obrnuti naopak kad ga mečem prat. I denem ja prat svoju jaknu. Obrnem ju naopak, zakopčam i porinem h veš mašinu. Denem prašak i omekšivač pritisnem start i počne se prati. Kad je bilo gotovo jakna mi je bila raskopčana. I na pravoj strani. Gdo to h veš mašini preokreče moj veš? Ni ona mašina za posudu mi nije baš preveč jasna. Denem h nju zmazanu posudu, tabletu 76 u 1 i kad je bilo gotovo posuda nije bila čista.

Normalno da žena ima objašnjenje i za to. Nemre se h mašinu za prati posudu deti zamazana posuda. Nego posudu moram prvo oprati i tek onda deti h tu mašinu. Čemu onda služi ta mašina če i dalje perem posudu na ruke?