Prešel je i prvi maj. Kojeg je saki obilježil na način kak njemu paše. Ili kak je nešči imel mogučnosti to obilježiti. Največ je ljudi bilo tam gde se nekaj zabadaf djelilo. A najmenje tam gde su sindikati zvali ljude da dojdeju prosvjedovati. Zakaj je tome tak?

Prvo zato jer ljudima dobro dojde obed teroga ne moraju platiti. A drugo zato jer sindikatima više nišči ne veruje. Za kaj su si sami krivi. Kolko sam ja vučil h povjesti prvi maj se slavi u spomen na one teri su se, sad več davnih dana borili za radnička prava. Borili su se, između ostalog, da delaju 8 vur, i da im se to kaj delaju plati. I na kraju su se za to uspeli izboriti. Jer nekad davno ljudi su delali i po 10, neki 12, možda i 15 vur na dan, pa čak i više. Sve dok se sindikati nisu izborili za normalno radno vrijeme i za isplatu plača.

I danas u normalnim i uređenim državama ljudi normalno delaju i za svoj posel dobiju plaču. Postoje i neke države gde to nije tak. Zvuči poznato?

Za vrijeme one mračne bivše države radniki su delali (manje - više) i za to su dobili peneze. Pa sindikati nisu morali voditi borbu za radnička prava, nego su se bavili s nabavkom zimnice, organiziranjem ljetovanja u sindikalnim ili radničkim odmaralištima, i s raznim sličnim aktivnostima. Danas se dosta slabo nabavlja zimnica prek sindikata, radničkih odmarališta več skoro da i nema, a sindikati neke nove aktivnosti nisu usvojili. Pa se čudom čudiju kak ih radniki več ne doživljavaju.

Kak sam i napisal saki je na svoj način iskoristil prvi maj ko neradni dan. Vrijeme je bilo ljepo, sunčano i toplo. Zapraf nije bilo toplo nego vruče. Ali kak smo se več ranije bili dogovorili da za prvi maj pemo kljeti i da bum skuhal kotlovinu tak je i bilo. Sve je bilo dobro, osim kaj mi je pri kljeti ostal samo jedan suncobran, teroga su na korištenje dobile Sandra i Gracia. Meni je ostalo da se pržim na suncu uz ljepu vatricu.

Jesam ja svako malo bežal u hlad da ne bum non stop na suncu. A kad sam došel doma imel sam kaj za videti. Znate ono kad tak na prolječe budete malo na suncu, pa si mislite kak zapraf to sunce nije tak jako, i onda vam je najedamput koža pretjesna jer ste zgoreli. Obično se to dogodi kad nekaj delamo, pa se malo raskomotimo i na sebi imamo majcu s kratkim rukavima ili potkošulju. Tera vam ostane i kad se slječete. Odnosno zgorite sigde gde niste imeli nič oblječeno. Pa vam se po tjelu ocrtava, recimo potkošulja.

Sigurno vam se to dogodilo, ili ste to barem videli. Nekaj slično se dogodilo i meni. Dok sam kuhal kotlovinu bilo mi je vruče, pa sam se sljekel i ostal samo h kratkim hlačama. A dok čovek nekaj kuha dene si i fertun. I sad se meni po tjelu ocrtava fertun.