Umjesto da kad dopeljate dijete doma budete sretni i veseli i da se posvetite djetetu, državni aparat je osmislil dobar način kak da zgubite par dana, a i dosta živci. U sljedečih par redova bum vam napisal kak sam ja to vrlo brzo sve obavil. Prvi korak je odlazak u matični ured. S obzirom da mi je ovo treće dijete imam već iskustva u tim stvarima.

Zato sam prvo štel kupiti biljege od 20 kuna, jer kad god dojdeš tam gore u opčinu (mi h Zaboku tu zgradu gdje je gradska uprava i županijski uredi zovemo opčina, jer je nekad tam bila opčina) i veliš dobar dan moraš dati biljeg od 20 kuna. Ali ih nigde nisam kupil. I dojdem u matični ured i za niti pol vure sam bil sa svim gotov.

I dobil sam, mislim nisam dobil, kupil sam Izvod iz matice rođenih, Rodni list, Domovnicu i PAZITE SAD, čak sam tam gore dobil i OIB! Njega nisam platil neg sam ga dobil zabadaf. Nisam ga nič moral platiti! Čudo jedno. Ovo ostalo je po 25 kuna. To jest nije. Domovnica i Izvod ili rodni list su po 25, a ono drugo, izvod ili rodni list je 24 kune.

Kak je Zabok Grad prijatelj djece, valjda zato dajeju po 1000 kuna za svako rođeno dijete. Ali zakaj bi ja samo prešel dvije sobe dalje i predal zahtjev za te peneze, kad morem prejti u malu šetnjicu umjesto toga. Naime uz neku potvrdu da imaš dijete, treba ti i potvrda o prebivalištu. Koja se dobi na policiji. Na policiju tak i onak treba prejti, da dijete dobi prebivalište (zapraf potvrdu jer je prebivalište već dobila) i JMBG koji više nikome ne treba i tajni je i nigde se više ne koristi. Pa zakaj ga onda dobivaju djeca? Ak se več ne koristil? No, uglavnom dojdem ja na policiju. Dobar dan, dobar dan, izvolite, trebal bi dijete prijaviti i to kaj več u svezi toga trebam tu obaviti. A teta s druge strane stakla mi veli dajte mi fotokopije … Čim sam čul fotokopije došlo mi je muka. Jer ih nisam imel. A tam iza nje stoji kopirka. Pa zakaj mi ne bi skopirala to i naplatila? Hmmm.

Dobro. Prejdem ja i skopiram sve kaj imam po 5 puta. Nek se najde. I prejdem ja opet na policiju. I poljubim vrata. Pauza. Kaj bum sad delal pol vure? Nazval prijatelja kaj tu blizu dela i prešel na kavu i maloga.

Dok smo mi spili kave i par malih završila je i pauza na policiji. Dojdem ja opet, pobjedonosno vadim fotokopije i za čas dobim JMBG za dijete i potvrdu o prebivalištu. Je, a kaj sad? Opet moram i to iti skopirati. Za svaki slučaj. I sad natrag na opčinu, gdje sam i bil prvo, da predam zahtjev za peneze, kad ih je grad odlučil djeliti. Hiljadu kuna denes nije za hititi. Doduše ima gradova i opčina kaj dajeju i več penez, ali ima i onih teri ne daju nič. Za divno čudo Grad je vrlo brzo uplatil peneze na ženin račun.

A dok se dijeli idem i h Krapinu prejti jer županija daje po hiljadu kuna za svako trejto dijete. Meni je ovo trejto.

Kak sam ja to po Krapini iskal i bliske susrete u hazezeou u drugom broju.