Naša je županija ostala na same jednem zastupniku v Saboru. Ljude je od ove vijesti vluvila panika. Koj sad? Do se bu pri državnem vrhu boril z našem Zagorcem? Bile nam je dobre dok sme imeli dva. Navijek su se mogli med sobom počvijekati, i sam naš županijski vrh je imel koga pokriviti.Sad od toga ne niš, jer ov sam se ne imel ščim raspravljati, bar ne v Saboru.

Zna se, da je zagorski jezek, na Markovu trgu stranjski , i ljudi od politike, ga ne razmeju. Zate su i naši zastupniki imeli koj kakve govorne poteškoće v Saboru, nejgda su znali i zanijemeti. A čemu bi si jezek drli zabadav, kad su ionak zastupali stranku, a ne županiju.

Saka stranka ima svoju politiku, a ova od naših zastupnikuv, je i vladina. Problema opće nej trebale biti ni da zgubime obudva, jer vlada bu i bez njih vladala, a županijski je vrh uspostavil i prometnu i poštarsku vezu z vladu . Minister od prometa je za sad Zagorce razoružal , s komadem papereka. Ov je pout vladine obećanje ostale i napisane. Još se same muora pričekati , da po abecede , naša županija dojde na proračunski red. Zate i naš zastupnik , cijele vrijeme , strpljive šuti i čeka. Jemput bu i zadnje slove po abecede došle na red. Čovek se još jake srdi na županijske političare , se one , teri su šteli dići papirnatu pobunu.

Nekteri su si Zagorci, valjda zbog cestarine zamislili ,,Tahija,,. I gotove, začas je cesta bila pouna pobunjenika ,i si naoružani z olovkami . Sad sme od našeg saborskog zastupnika doznali kak je ta papirnata pobuna bila smišljena stranačka halabuka, tera županije nije donesla nikakve koristi, a kamoli da riješi pitanje županijske ceste. No dobre, bile je onak kak je bile, pa nek se je i naš minister od prometa male posanjkal , ipak se i on vučil o seljačke bune , jer da nije , još bi plel mreže po moru.

Sad bu jene saborske meste zjapile prazne, no ne za douge, jer ov naš, je ionak bil same zamjenski čovek v stranke. Naše su se stranke hitile i v trgovinu, a stranački trgovci važeju kulike bu kil stranačke poslušnosti, sele na čiji i na teri zastupnički stolec . Praznih stolcuv v Saboru nemre biti, a saka zamjena nije nikakva promjena.

Ak si v državne stranke onda moraš i stranački misliti, i tu nema mesta za koj kakve županijske sitničarenje. Vlast je slast, koj je vekša to je slajša.

Naše je Zagorje izgleda i za pravu stranku premale.