Majko Božja Bistrička
moli se za nas.
Mi smo tvoji putnici
blagoslovi nas.
Mi Ti ruke pružamo
srcem te pozdravljamo:
Zdravo, zdravo,
zdravo Marijo.
Umnoži našu vjeru
učvrsti ufanje,
povrati, mila Majčice
sve izgubljene.

Stihi ove pesme Majke Božje Bistričke orilji se buju ove dane z mnoge grlji teri buju išlji na sam svetek ilji oko njega na veljike prščenje. Ne same k Majke Božje Bistričke nek i k Trsatske, Sinjske, Aljmaške i hnogem teri ljudem nekaj značiju. Svetek je te gda se z veljiku ljubavlju i radošču falji Majke Božje za se dobre kaj se čoveku pripetilje ilji pak molji za zdarvljiče svoje familjije i se dobre tere bi čovek štel da mu se dogodi. Kak sme h veljike trke sigurne su te moljitve onak na brzak, dok sme kre svetuga mesta, alji ščem se malje odmekneme skore da pozabime.

Če se kaj ljudem i grduga dogodi krivi su mu si sveci, a največ Majka Božja, pak ju zazavaju, alji ne h moljitve. Kak bi bilje ljiepe življenje gda bi se ljudi barem malje pomučilji i živelji onak kak Bog zapovieda. Bil bi te raj na zemlje. Alji raja zgledi mi ljudi niesme zaslužilji. Kak bu tam na drugem kraju, na raju nebeskem teške se za nadati gda ne koristime one kaj imame. Zmisljila sem se baš nekteri dan gda sem bila na našem veljikem svetišču Majke Božje Bističke, pokojnuga župnika Silvestera od teruga sem na crkvenem veronavuku pune nafčila. Pripoviedal nam je ona tak jemput priču kak su bilji dva dobri pajdaši. Oba dva su pune sega imelji i med sobu deljilji. Gda bi gdoj kucal na njihova vraca največ su bila zaklenjena.

Če je nešče dal ruku i prosil za droptu kruheka, ruka je ostala prazna. Hodilji su obadva ta pajdaša redovite h cirkvu, moljilji se Bogu, hodilji po prščenje i od bokce kre puta obrnulji glavu A unda jednuga dana jeden je od njih hmrl. Duša njegva se je veseljila jer se nadala raju nebeskom. Misljila si je kak ga mora zaslužiti jer se redovite moljilje, hodilje po prščenje i k meše. Kad tam meste raja počakale su je paklene muke. Dok je bil čovek žif nigdar nie nahranil lačnuga bez koristi, nigdar nie dal postelju za prespati putniku. Živel je same za sebe i svoju familjiju, gluh za se druge i potrebite. H svojem življnju nikomu osim sebe nie napravil nič dobra. Gda je njegva duša vidla kak mu je življenje prešlje bez dobruga traga, moljila je Boga da ju pusti na zemlju same jeden čas kaj bi svojemu pajdašu povedal kak se mora ponašati kaj nej i on imel poklje takve muke. Bog mu je rekel da z toga ne nič. Da njegef prijatelj na zemlje ima dosta ljudi teri pripoviedaju kak čovek trieba živeti. Poslušati i zapamtiti tere su poruke Božje. Posluhnuti kaj poručujeju sveci Božji i Majka Božja. Če nema vuha za posluhnuti, unda mu ni njegve rieči neju pomogle.

Duša se unda primirila i nadala da njegef prijatelj nebu nastavil živeti tak kak unda da su bilji skupa. I gda čovek luče na hiljade i hiljade ljudi teri moleči idu k kipu Majke Božje, nemre da se ne pita, kuljike njih živi po zapovedi Božje. Kuljike njih htrgne droptu kruha i da drugem, kuljike njih otpre vrata trudnomu i siromašnomu putniku. Za pitati se kakvi su, i e su, Božji puti po tere je došel do ovozemaljskuga trona. Sklapanje ruke i moljitva pred Majku Božju na veljike svetke i zmišljavanje na nju same na kratke čase, nemre zavarati niti jednuga sveca.