Prethodna kolumna
Slijedeća kolumna

Dnevnik tate Bena: Fejsbuk

Najbolje mi je kad se faliju s kojekakvim stvarima. Na primjer nešči napiše da je snočka spil petnest pivi dvajst gemišta i pet konjaka i da nije znal za se. Ja kad se napijem dojdem tak tiho doma da me nešči morti nebi čul i da nišči ne zna da sam bil pijan. A kam još da se s tim falim na fejsu. I kak zna koliko je spil če nije znal za se?

Taj fejsbuk je prilično zanimljiva stvar. Bar se na njemu more dosta toga zanimljivoga pročitati. Samo kaj ne razmem potrebu ljudi da pišeju na fejsu se to kaj pišeju.

Najbolje mi je kad se faliju s kojekakvim stvarima. Na primjer nešči napiše da je snočka spil petnest pivi dvajst gemišta i pet konjaka i da nije znal za se. Ja kad se napijem dojdem tak tiho doma da me nešči morti nebi čul i da nišči ne zna da sam bil pijan. A kam još da se s tim falim na fejsu. I kak zna koliko je spil če nije znal za se?

Pa pišeju kak on voli onu, ona voli onoga ili ona voli onu. Ima i toga. Volim i ja svoju ženu pa ne pišem o tome. Kak koga briga e ja volim svoju ženu! Onda jen prijatelj piše kolko je prebežal taj dan. Prebežal sam i ja prošlu subotu dva kruga oko parka pa se ne kurčim s tim. I još me Gracia na bicikljinu nije mogla hloviti. Bežal sam jer smo se igrali lovice. Znate ono ulovi me, ulovi me kupit ču ti novine…

Kad sam več spomenul Graciu evo još nekih dogodovština. Jen dan nakon kaj sam došel z nočne pita me Gracia da gde sam bil po noči jer me je tražila. Zakaj mene djete išče po noči. Da joj vužgem svetlo na zahodu. Kad ide pišat. Obično sam joj najbliži za zbuditi. Jer još furt spi z nama h našoj spavačoj sobi. To jest spi večinom z menom h našoj spavačoj sobi.

Žena ne dojde spat k meni h postelju jer ja kao hrčem. Pa nemre spati. A zapraf niti si ne stigne leči na kauč ispred televizora h dnevnoj sobi, več spi. I more čez hižu prejti sedam tenkovskih divizja i vani moreju dvije eskadrile migova ili f-16 ili tak nečega probijati zvučni zid, ona se nebude zbudila. A smeta joj kaj ja hrčem. A ja opče ne hrčem. Dok ne spim. To sad opče nema veze.

I saku noč Gracia hoče h neko doba iti pišati. Pa me zbudi. Najbliže joj je zdiči se sa svojeg kreveta i dojti h moj i zbuditi me da joj vužgem svetlo na zahodu. Ili se niti ne zdigne, nego samo počne kričati tata, tata!!! Daj se probudi! Pali svetlo! Isto to se događa če žena i ja skup spimo. Ne budi nju, nego mene. Čak i kad ja ostanem h dnevnoj sobi spati, dojde k meni i zbudi me. I nije problem po mraku dojti do dnevne sobe koja je skroz na drugom kraju hiže, ali je problem dojti na zahod teri je mam uz našu spavaču sobu.

Facebook

Zbog prometnih nesreća vozi se usporeno: -na 373. km autocest A1 Zagreb-Split-Ploče između čvorova VUČEVICA i DUGOPOLJE u smjeru Dubrovnika; -na državnoj cesti DC56 Klis-Grlo kod Klisa; -a promet je prekinut na ŽC3034 u mjestu Lukarišće kod Dug...

 
iz valute
u valutu

Tečajna lista služi isključivo u informativne svrhe i podliježe promjeni bez prethodne najave. Zagorje.com ne može jamčiti točnost tečajne liste koju koristi konverter. Prije provođenja stvarnih transakcija potrebno je provjeriti trenutni tečaj kod službene ustanove. Tečajna lista dohvaćena je prema online podacima Hrvatske narodne banke.

mojtv.hr - kompletan tv program