Bor mašina ili po hrvatski bušilica je jedan od odličnih izuma. Ž nju morete gde god hočete, h čemu god hočete i kak god veliku i duboku hočete zbušiti rupu. Sve ovisi o vrsti i snagi bormašine teru imate. Pa tak ima onih malih bormašina kaj su na baterije. One su za menjše rupe ili da denete nastavak ko šrafciger i s tim šrafite šrafe.

Pa ima malo jačih bormašina tere su vam za po doma čist dosta če hočete zbušiti kakvu rupu kaj bute zašrafili policu nekakvu ili sliku obesili. A ima i onih velikih kaj morete beton ž njimi trgati. I fest velike kamene. To su takozvane hiltijevke. Tak ih ljudi zoveju prema proizvođaču istih.

O tome kak ljudi znaju određene stvari zvati po proizvođaču sam več pisal, pa se nem ponavljal. Morti si nešči i misli od kud sam se sad zmislil bormašina kaj o njima pišem.

Situacija je ovakva. Sad je subota. Sad mislim na vrijeme kad ovo pišem, a ne kad vi to čitate. Na poslu sam. Ne bum napisal da nekaj delam, jer je več počela sezona godišnjih odmora, pa posla skoro da i nema. Zato i stignem osmisliti kaj bum napisal. A h zgradi gde delam i oko nje su radovi. Dozidava se još jedna zgrada uz postoječu, i na postoječoj se delaju neke preinake.

Kak je riječ o dosta staroj zgradi ona je kvalitetno napravljena i beton teri je korišten je fest trdi. I na par mesta ga treba razbiti. Zato su tu određeni majstori i jedna hiltijevka. I cjelo jutro razbijaju beton točno ispod prostorije gde sam ja. Po tome kolko su štemali čini mi se da su došli do Kine. Jer več ne štemaju.

Zato su tu drugi meštri. Ima par onih kaj postavljaju gips ploče. Prije nego kaj se postave gips ploče treba zašrafiti profile na tere se onda ploče mečeju. Za postaviti profile prvo trebate zbušiti rupe. I tu su opet na djelu bormašine. Čini mi se da su zbušili več jedno par miljona rup. Da ugođaj bude kompletan tu su i klimavi meštri. To su oni kaj klime postavljaju. I oni bušiju rupe.

I kaj nije onda normalno da čoveku nič drugo nejde čez glavu nego bormašine. A z druge strane kad malo bolje razmislim bolje da mi čez glavu ide buka od bormašina nego borer.