Naša već bivša, ministrica od pravde, je konačne javne obznanila kak je i sama postala svjesna, da vu ove države, pravde zaprav nema. Bar ne sad, kad je ona v pitanju. Do toga je zaključka došla čist slučajne, dok je čitala nuvine. Sa sreća koj je imijela čas čitati, inače bi mislila kak je još furt i zanavijek ministrica.


Do sad je se štimale i pravda se delila po njezinem receptu, jednak sem onem, teri su ju kuristili i stalne nucali. Ostatek puka, je i dalje, strpljive čekal na svoj red , jer nigdar se ne zna, čovek se nada dok got je živ. Da bez reda nema ničega, a pogotove na gruntu, znala je ministrica, i odmah je zajahala baš na gruntovnicu. Se ove vrijeme, strpljive je pribirala grude i brazde, po sa županija. Baš kad sme čuli da je grunt pusložen, kak knjiga, i da su vojke došle vu prave rouke, dočekala nas je čist drugačka vijest. Nešći je knjigu z gruntem, obrnul nanoupak i mejaši su se razleteli po sa vougla, a od gruntovnice su ostale same grude. Same je v gradu Zagrebu, najemput sfalele, pol mejašuv.

Naša je vlada odmah zreagirala i spakuvala ministričine kufere. Osim sprevrnjenih mejašuv, napravila je i koj kakve greške od korakuv do jezika. A kak čujeme , nuos je vtikala koj koud i na se strane se dok nije ž njim stigla do Haga. Do bi rekel da je imijela tak dougi?

Nekak da je našu vladu to jake rasrdile, jer koj jena ministrica od pravde ima prekapati i njuškati po žepu od državnih fiškaluv. I baš su ju zanimale haške karte i evropski jelovnik, a najviše, kulike je teri fiškal pojel žemlji. A ljudi opće nemaju veze ni ž nju, ni z njenu stranku. Ženjska bi se još k semu tomu furt same spuminjala i to z novinari. To joj je valjda prešle v navadu, dok je još bila glasnegovornica.

Odmah je i naša vlada iznajmila svujega glasnegovornika, za su štampu, se od žoute pa nadalje. Baš kad sme si mislili kak je ove ženjska za sa vremena, nje se vrijeme zišle. Bivša ministrica od pravde za svoju nepravdu krivi vladinuga čoveka i vladinu ženjsku, prve od dva. Navodne su se preveć skrbeli za nju, kak da je još maloljetna , i dijebali su ju na sakem koraku, same zate koj je njena stranka, još navijek, v pubertetu, i nije se od tu, još za sad pomeknula. Još nišći ne zna koj bu na kraju od nje zrasle, i v koj se bu pretvorila. Sad sme bar si čuli da je ogovaranje pravi državni problem, i saki se trač pojedinačne razmatra.

Zagorci misliju da je ogovaranje i jal same njihov običaj, no kak vidime pri državnem vrhu nas ni na tem mestu nema ni za lijek. Nejgda je bolje se zgubiti nek vojke tuđe, vu svoja rouka imeti.