Velika repa, mali klin, dejte gazdarica jajca sim, tak sme negdar popievali gda sme išli po selu po mačkari. Penezi se unda baš nijiesu same tak davali, nek jajca, kraflini i cukor. I mi bi tomu bili jake veseli, prem če bi dobili i koj druobnih penez. Tuo je bila Amerika. Po mačkari bi išli mam gda bi se na fašenjek kre puoldan vrnuli z škuole, same bi neke vu zube deli, preslekli se i ajde po selu, prisjećala se hraščinska baka Ivka, pučka prognozerka, fašnika od prije 80 godina. Nekad je bio običaj da se muški preoblače u ženske i obrnuto. Zašto?

"Tak te bi težeše prepoznali. Dečeci bi navlačili kiklje i delali si cecke od rupcof i prnjkof, a mi, pucke, metale bi škrljake na glavu i puod nji skrivale kite i duge lasi. Crtale bi si mustače i obuvale tatekove prevelike škornje. Je, a ve ti bum neke rekla koj te bu mrti i presenetile: Nešteri su se znali oblačiti vu ljude šteri su i muž i baba vu iste vrijieme. S priednje je bil muški, a ozadi muž. Tulike o tom da sme mi Zagorci nazadni i pripruosoti. Kak nej bili ?! Mali bi mačkari hodili za dana, a vekši gda se skmiči i oni bi imeli i mužiku z suobu i pravoga mladienca i mladienku. Gda bi došli nekomu k hiži, zgrabili bi domače i z njimi bi tancali", govorila je starica.

Kakav je bio jelovnik za fašnik?
"Bugate se jele za fašenjek jer je tuo zadnji dan prije kurizme. Jiela se masna i jaka hrana da bi se mogle po zime hoditi i da bi se dobre podložili jerbo 40 danof je post. Kuhale su se krampe i lampe, krpice s zeljem i kisiele zelje. Voda vu štere se kuhale zelje, nije se zlijievala proč nek se čuvala za drugi dan, Pepelnicu, gda su se z nju škropile noge. Veruvale se da šte si poškropi z zeljnu vodu noge, tomu kača nemre niš te lete. A na Pepelnicu je več bil puosni obed, grah šalata i nezačinjeni žganci, tienka juha. Bile je i bab i puc štere su hodile i po Pepelnice z biebicu i plakale bi se po hiža, a ljudi bi jih daruvali, jer se veli da je grieh mater s druobnim detetom pustiti od hižnoga praga bez dara.