Dok uživamo u babljem ljetu, ni ne razmišljamo o hladnoći koja nam predstoji narednih mjeseci. No, naši stari su uvijek bili na oprezu, s nevjericom su promatrali zatopljenje u listopadu i čekali spomendane u drugoj polovici mjeseca po kojima su neki zaključiti kakva nas čeka zima. Što je o svemu rekla naša hraščinska baka Ivka, pučka prognozerka. 

„ Koj Urša donese, zima prinese. Je, na na dvajstprvuga desetoga se skore navijiek vrijieme mijenja i onda se se dobre vidi : ak je i dalje tople, zima bu blaga. Ake je grde, i zima bu uoštra. Tri dane predi Urše je Luka šteri rada snegom nafruka i šteri vu nofte huka. Negdar sme rukavice baš na Lukine priređuvali i snimali vun z vrmara. Nešteri i šal šteri su imeli osetljiv gut i gda bi se nazijali mrzluga zraka v jutre, pokle bi ih kašelj napal ili ih pekel gut. Niesme negdar znali za alergije i gda nam je nos curel i srbele nas oči, rekli bi : mala prelada. Šte je za tiem išel... A denes saki gda kehne, mam popije jenu vrst tablete. Gda zakašlja, drugu. I tak se po redu. Unda velime da nas črijieva i želudec boliju. Kak i nebi kad sakoga vraga vu se mečeme bez reda i računa. Negdar tuo nije bile tak. Če te v želucu klale, gutnul si male rakije ili šte je imel orehovicu. Gda te glava zaboliela, nek si del vu požirak ili če te tragele krej slijiepuga oka, scedil si citruone vu jaku črnu kavu. Gda si bil nemiren ili si imel oči pune kremiežljof, gomilični čaj si pil. Prelajen, šipkof „, sipala je baka savjete kao iz rukava.

„Gda ti je išla krf z nosa, vu šalicu se nariba dumačega rena i črljenoga luka i unda se jake čez nuos vleče dek ti ne stane. Šte se opekel, belanjek se na te del. Gda te osa fpičila, mrzlu žlicu si del da ti zvleče otrof. Ake si krive stal ili si nogu zdručil, metal se oblog od domačega octa. Netres (kućečuvar) se kapal vu vuha gda su te bolela. Tople obloge z uljem se metale na želudec puce gda je imiela žejnske stvari. Gda je čovek zmokel i hunjavica ga je vlovila, mam noge treba deti vu lavur, vu jake tuoplu vodu, skore vruču. I naj si spije lonjček kuhanoga vina i mam je došel na svoje „ kimala je glavom baka.