Prethodna kolumna
Slijedeća kolumna

Dnevnik tate Bena: Televizor

Davnih dana televizor su nazivali kojekakvim imenima. Pa se tak, između ostalog za televizor govorilo da je čarobna kutija, ili recimo prozor u svijet. Morti je negda i bilo tak.

Davnih dana televizor su nazivali kojekakvim imenima. Pa se tak, između ostalog za televizor govorilo da je čarobna kutija, ili recimo prozor u svijet. Morti je negda i bilo tak.

Denes imame pune programa za gledeti. Teoretski. Kak je na televiziji se več i več programa tak je se manje i manje toga za gledeti. Tak če krenete gledeti jen film na televiziji to je jedno prekrasno iskustvo. Nakon uvodnih minutu dvije filma mam su reklame. Bar jedno deset minuta. Onda nakon reklama najave emisija tere budeju taj dan, pa najave emisija tere budeju taj tjedan i na kraju najave emisija tere se budeju prikazivale of mesec. I evo natrag filma. Pa ga moreš natrag gledeti.

I taman kad je najzanimljivije evo pak reklami. Taj dio kad su reklame more čovek i dobro iskoristiti. Stigneš prejti pišati, če ti je sila. Če vam je žena raspoložena morete i jedan seks na brzaka obaviti. Če nije stignete prejti do kioska če ste ostali bez cigaret. Ili prejti do gostione na pivu. Taman dok se to zbavite reklame su gotove. Ali još ide jedan red najava emisija raznih. Kad natrag počne film več ste pozabili kaj se prije događalo. Ali to uopče nema veze. Jer filmove kaj ih sad prikazivaju na televiziji ste mogli videti več par put prije.

Sad kad ovo pišem su dvije vure po noči. I vani je 25 stupnjeva. Nema ni droptice vetra. Ves sam moker, a da vode videl nisam. Znam da je ljeto i da če zdaj nebu vruče, kad bu? A treba i na posel h Zagreb iti. Izbjegavam cug kolko god morem. Zabadava su željeznice napravile par klimatiziranih vagona kad velika večina putnika ne razme da če hočeju da ta klima dela kak spada treba zaprijeti vrata i ne otpirati okna. Puno je več onoh vagona teri nemaju klimu. Morti sam zato zmršavel. Imam saunu teru ne moram posebno plačati.

Kupil sam hčera paradajz h dučanu. Ljepi crveni, kaj nacrtani je bil. Z očima ga bi pojel. A znutra je još bil zeleni. Jedva čekam da moj paradajz h vrtu dozori. A taki bu. Onda bum par dana samo paradajz jel. Se dok mi se ne zgadi. Onda bum ga kuhal za zimu.

Kak sam sad spomenul i ljeto i paradajz zmislil sam se kak na moru prodajeju kojekakve poljoprivredne proizvode. Samo deneju to kaj bi prodali ispred hiže. I nišči ih ne pita niti za dozvole, niti za placovinu, niti za higijensku ispravnost. Baš me zanima kak se bi ja provel da tu h Zaboku tak uz cestu počnem prodavati nekaj?

Facebook