Da i ja jemput imam sreče u životu. Prije nekog vremena nam je doma krepala mikrovalna. Samo se počelo krijesiti nutra h njoj saki put kad bi ju vužgal. Pa sam zaključil da je neispravna. I hmeknul ju van iz kuhinje. A kad se navadiš na neke stvari onda kad ih nemaš ti faliju. Ipak h mikrovalnoj najbrže zgriješ mljeko za čokolino ili pahuljice. Ili vodu za čaj.

A de pripovedam o tome kak se h mikrovalnoj more brzo nekaj zmrznutog odmrznuti. Ili si podgrijati nekakve ostanjke od ručka ili večere. Več prvi dan kak je stara mikrovalna krepala nam je faljela. Hoče djete pahuljice. Prvo zemi zdelicu s koje jede pahuljice i zmeri kolko ti mljeka treba. Nakon toga zemeš jen manji rajnglek, preliješ mljeko nutra i deneš sve to na šparet. Počekaš dok se ne zgrije. Tu i tam s prstom probaš e je dost toplo. Pa opet mljeko presipaš natrag h zdelicu s koje se jede, deneš nutra pahuljice i sve je spremno. Vrijeme potrebno za to je jedno cirka oko otprilike 5 minuta. Kad se koristi mikrovalna to se skup ne traje niti dvije minute.

I krenuli prošli tjedan žena i ja kupiti mikrovalnu. Po mogućnosti bi kupili i fritezu jer je stara isto tak otkazala suradnju. Obišli smo par dučana i uspeli smo najti mikrovalnu tera nam se dopada, ali fritezu ne. To jest našli smo onakvu kakva nam se dopada, ali nam tu nisu šteli prodati, jer je bila zadnja h dučanu, izložena na polici, a kak se da cijela rastepsti, tak su ju več gdo zna kolko put rastepli. Pa nam je mladič kaj tam dela rekel da nam tu nebu prodal, ali da dojdemo za koji dan dok im ne dojde nova pošiljka. Pa smo zeli samo mikrovalnu.

Ali kad idete s ženom h dučan nemre to biti da kupite samo jednu stvar i gotovo. Zmislila se žena da joj treba i onaj stik kaj ide h uesbe. Pa sam zel i to. Dojemo na blagajnu, blagajnica to otkuca, veli kolko je to penez, zvadim ja peneze, a kad je sprintala račun na računu druga cifra. Manja nego kaj je blagajnica rekla. Jer je kompjuter na mikrovalnu zaračunal popust od 20 posto. Jer je bila neka akcija če kupiš dva artikla od jednog određenog proizvođača (a baš je od tog proizvođača mikrovalna kojeg ne spominjem da ga ne reklamiram zabadaf. Osim ak marketing ima kakvog proizvođača malih kučanskih aparata da se hoče reklamirati onda tu moremo napisati njegovo ime. Uz naravno nekakvu proviziju za mene) onda dobiš 20 posto popusta.

Kak su nekaj sfušali kod programiranja popusta, tak je uporno popust ostajal na računu. Ove blagajnica ovog, onog, šefa, informatičare, ali popust se ne miče. Pa su se h dučanu zmislili da buju oni meni dostavnicu napisali pa da ja dam peneze i ostavim svoje podatke, pa buju oni meni račun poslije poslali. Nedam svoje podatke. Tu su penezi, daj mi račun i idem doma. I na kraju sam ni kriv ni dužan dobil tu mikrovalnu s 20 posto popusta. Nije to sad nekakva velika cifra, ali čovjeka veseli.