E vidite kolko toga se skupilo h jednom tjednu. Prvo dojde fašnik. Zmislim se kak je fašnik zgledal h Zaboku prije nekih 15 - 20 ljet, dok sam i ja sudjeloval h tome. Znala je biti dost velika povorka s puno raznih maski. Nakon povorke se skurilo fašnika, malo pozabavilo i gotovo. Sve skupa jedno popodne. Kak je vrijeme prolazilo tak je povorka bila sve manja i manja, a niti ne znam e je ljetos i bude. Kome je više stalo do maskiranja kad su sve maske tak i onak opale.

Mam nakon fašnika dojde Pepelnica tera označava početak korizme. I pak buju puni mediji raznih selebritija i njihovih izjava čega buju se odrekli. A čega se bu odrekel prosječni stanovnik Hrvatske? Ničega! Večina vas kaj ovo čita jako dobro zna zakaj se prosječni stanovnik Hrvatske ne odriče ničega. Zato jer se nema več čega odreči. Več se tak i onak odrekel čega se god mogel. I onda veliju da je država protiv crkve. Nije. Država je svojim mjerama uvela cjelogodišnju korizmu, a ne samo 40-dnevnu.

Čega bi se ja odrekel? Postim na svim mogućim poljima. Postim kaj se tiče jela i pijače zbog svojih bolesti. Postim od zabavnih izlazaka jer je jako malo mesta kam bi čovek prešel val, i još manje penez. I da ne nabrajam dalje.

I za kraj Valentinovo. Koje je u korizmi. I kaj sad? Kak otpeljati ženu nekam na romantičnu večeru kad je post? Kak h korizmi trošiti peneze na rože, parfeme i slično? Nikak. Objasnite ženi, curi ili kome več da je korizma i da toga nema. Ak ste dovoljno hrabri za to.
 
Da budem iskren meni je to Valentinovo čist bezveze. Kaj če meni Valentinovo ili Dan žena da bi ja pokazal svojoj ženi da ju volim i da sam zaljubljen u nju. Neki mali znak pažnje svaki dan, koji ne mora biti materijalan je čisto dosta. Recimo, hjutro če se zbudite prije žene skuhajte kavu i zbudite ju s mirisom friško skuhane kave ili kaj več pijete hjutro. Če mislite da bute zbog toga manje muško i da vas bu sram ne morate nikome to reči da ste napravili.
 
I vjerujte mi da jedan iskreni poljubac ili zagrljaj vrijedi više od največeg buketa roži ili pet litri parfema kojeg bute kupili na neki komercijalizirani dan.