Prethodni članak
Sljedeći članak

Iz bakine pučke bilježnice: Sveta Kata žejnski dan, do Božiča mesec dan

Sveta Kata, žejnski dan, do Božiča mesec dan. Je, negdar se tak govorile i popievale da je Katalenje žejnski guod jerbo su od toga dana za nas, babe, kretali posli da se hiža i hižišče prirediju za Božič. Na Katenje se nije se smel konec vu iglu navajati, a nije se smele dirati ni preslicu ni kulovrat. Jake se pazile da se nej kutač od kulovrata pomeknul na svetu Katu pak sme ga zate znali na najži deti gde je bile sigurne da ga nej nešči trknul i pomeknul. Tuo je bile takve veruvanje jer je Sveta Katarina bila mučena na kotaču z špicami. Negdar sme imeli i svetu sliku Katinu na zidu na štere je ona imiele krunu,na glave, palmu i drveni kotač. Nešteri su imeli i njezin kipec, prisjećala se naša hraščinska baka Ivka, hraščinska prognozerka, blagdana Svete Katarine. A što se pripremalo za jelo na Svetu Katu?


„ E, furt je bila purica i puran i tuo je bile prvi put vu letu da gazdarica vidi kakve je purče zranila za Božič. Če je pečenjka bila duobra, onda se purani više nijiesu jake rani, nek više da se sceraju. Če je purče bile slabe, onda sme znale šuopati purane da bi bili depši za klanje za buožične dane. A neke se i mogle prodati pak je bile bolše da je purica težeša. Šuopati se znale s kuhanim krampijierom, a šte je imel, kosal je puranom oreje i tuo je bile najbolše debljanje. K purice su išli mlinci i digani kolač, a i delali bi se i salenjaki. Vu narodu je negdar Katalenje značile i kraj jeseni i početek zime, kraj snabokof i ženidbe jer se vu adventu nigdar nišči nije ženil. Bil je mir za ženidbu se do pokle Trej Kraljof. Puce štere su bile širuoke ve se moraju strpeti če se pridržavaju katoličke vere, negdar toga skore da i nije bile prije zamuža jer puca nije dečka k sebe puščala prije nek ju dopelja na jentar. Denes se male šte strpi i ide čisti vu brak „, govorila je starica.

Još članaka iz "Zagorski list"

Facebook

Autoceste: A1 Zagreb-Split-Ploče i A6 Rijeka-Zagreb, Jadranska magistrala (DC8), državna cesta DC1 Karlovac-Knin-Split i stara cesta kroz Gorski kotar (DC3) otvorene su za sve skupine vozila. Snijeg povremeno pada u Baranji i istočnoj Slavoni...

 
iz valute
u valutu

Tečajna lista služi isključivo u informativne svrhe i podliježe promjeni bez prethodne najave. Zagorje.com ne može jamčiti točnost tečajne liste koju koristi konverter. Prije provođenja stvarnih transakcija potrebno je provjeriti trenutni tečaj kod službene ustanove. Tečajna lista dohvaćena je prema online podacima Hrvatske narodne banke.

mojtv.hr - kompletan tv program