Drage ti je unda gda te se nehči zmislji. Nie tomu tak duge, da vsaki med nami došel je od onud od gde več vrnuti nie mu bile se moči, a denes se toga mnogi med nami zmisljiti niti šteli nebi. Kak god da teške ti je bile, kak god da se bi štel negdar i vrnuti, ljehke se vrnuti nie, nie te same tak, gda za sobu pogledati bi triebal - a nutre te nekaj gnjete i neda ti da obrneš se. Vsaki med nami znati dobre mora da nič za navek nie, niti nie zanavek te kaj denes vsi te bi trepati šteli, kaj se bi vsi skup šteli z tobu pod ruku pelati, kaj si bi mam z tobu vsi pajdaši biti šteli. I te za razmeti morti i je a morti i nie moči, jer nič nemre ti se posmeknuti dok štel sam sebe bi povedati - kaj te na jemput se zgodile je, a do hčera ti nikoga bile nie. Da ljepe življenje negdar biti i more, da triebale bi i biti, te vsaki med nami čujti bi štel domaču, najdrajšu reč - kaj jedini, te je une za kaj se živi, za kaj se živeti triebale bi.Da živeti življenje trieba, da življenje prešle bu ovak ili unak, te je nekaj kaj vsi skup razmeti dobre bi triebali, čega se bi furt spamtiti triebale. Kak god da je – jedine kaj ostale bu je te da kak god da ne šteli nebi – a vsejedne vse te skup prešle bu, kak god da tomu se negdar i nebi človek nadati štel. Kaj povedati otom - da je denes jedne, a zutra nekaj čist drugač. Unda gda se spremišljavaš, da male bi sim, pak male tam, da štel bi se zestati z uvem, pak male z unem, tak da nič ti nebi bile stepnuti, a pak i da nebi ti bile unak stegnute, vse te skup ti ziti more same tak - da naopak vse stobu zišle bu, e se ti tomu prie ili kesnejše štel buš obrnuti.

Da je moči i negdar drugač, da moći je i življenje živeti, da se je vriedne za življenje boriti - te je une kaj vsaki med nami štel i bi, jer nie same tak gda se furt i furt budiš, unda se hmivaš, gda se same sam z sobu niti neznaš pospominati, jer dobre ti je poznate da ak nekaj krive buš povedal - da "nekoga" buš morti i krive zazlamenil. Zaistinu je i te trieba povedati - da nie ti navek tak bile, da si si štel nekaj druge povedati, i te je une kaj se morti bi mogle i zeznati, kaj se bi mogle vsakomu povedati kak une kaj jedine je i kaj jedine i triebale biti bi. Da življenje ma dane gda se male po male štele bi posmeknuti ili pak skriti, ili gda bi štele da vsi ga dobre pogledaju, a pak za teru dobu se bi štele čist na čist i skriti, vse te skup ti drugač niti ziti nemre nek unak kak jedne velike spremišljavanje, tere vsemi more same zastanoviti une kaj nie se same tak zastanoviti triebale.

E bi vsi mi skup spamtili se, same male, e bi se same male mogli otpusti od toga štričeca teroga su ti deli još unda gda još zase znal niesi, i kaj zdaj i kaj denes, nek same ti dojti more da se neznaš med ljudmi obračati na pravu stran. A da je unak kak triebale bi biti, da se držiš do vsega unoga kaj vriedne je, unda niti nebi si premišljavati triebal. Unda gda te nehči i pital bi kaj i kak življenje živeti, na tu pitanje odgovora teške ti dati bile nebi. Življenje tu, jedine kaj mame, zaistinu živeti je i trieba, ne same radi nas, bolše reči najmenj radi nas, več radi vseh uneh kaj rade mame, kaj dobre šteli bi im, dobre po unom kak sme od Jezušeka i nahčeni. A same na jednu stran nahčeni biti moreme, tak da vsemi skup povedati moreme da nigdar več nesme se otprieti srčeke za nekteroga med mrčnjaki, da se nigdar več nesme zastanoviti une kaj vrednejše je od vsega kaj svet ga tie je mel. Doba ta kaj je jedina na svietu i ostala – te doba je kaj vrednejšoga nigdar nie mela nič od življanja, te doba je kaj nič druge nie niti triebala nek da vsemi nam poveda da nič za navek nie. Te doba je življenjska tera furt pred vsemi bi kazati i triebala, kaj vsemi same je kak glasek teri nie mogel nič druge napraviti nek jedne velike stanje, stanje za vse pajdaše - pajdaše teri srčeke jedini i maju.

Tak nas je i Najvekši furt vučil, vučil da življenje živeti triebame, unak kak Un nam ga je dal, da moreme deca Mu biti, deca najmilejša, najvrednejša i najvernejša, jer drugač niti smeli biti nebi. Kak god da nie več put ljehke nam, kak god da se bi i obrnuti šteli, te spozabiti nesme se, jer čem se spozabile bi, mam se vse te skup more same obrnuti i vsikud se unda more zgoditi same jedne velike nič, a poklje bu i unak vse jedne. Da te dogodile se nebi - same je trieba življenje živeti i rad vse na svietu meti, rad tak kak Najmilejši nahčil nas je, tak kak je vučil nas Najbolši - kaj h srčeku mesta za vse nas skup mel je.