Stranka branitelja!? A ja sam mislil da je braniteljska stranka cela naša država! Zakaj bi branitelji imeli svoju stranku nije mi jasne? Nije mi jasne jer sam i ja bil branitelj i nisam se boril za politiku nek za slobodnu modernu državu v teroj buju ljudi uživali v standardu kojega buju zaslužili z svojim radom.

Stranka branitelja nemre niti nesme postojati, jer se na taj način kompromitira sam Domovinski rat koji nije bil stvar ideologije ili želje za vlasti.

Slažem se da se branitelji uključiju v politiku, ali ko pojedinci, saki prema svoje političke orjentacije ili afinitetu, ali z zajedničkim ciljem da one na kaj sme bili spremni dati za svoju domovinu ne zgubi vrednost. Politički angažman branitelja logični je nastavak želje izražene v ratu da se da doprinos razvoju svoje države.

Branitelji nemreju imeti svoju stranku jer ne postoji zajednički politički pogled sih branitelja. I mi teri sme bili skupa v ratu rame uz rame ne slažeme se po pitanju politike. Moji najbliži ratni suborci koji su politički aktivni denes su članovi SDP-a, HNS-a, HDZ-a, HSS-a, ZDS-a … ili pak nezavisni kandidati. I ak se zutra pojavi član stranke branitelja kaj bu taj polagal prave na tekovine Domovinskoga rata?

Ili idiotarija da nekakev loš pevač z Dalmatinske zagore bu glavni idol branitelja same zate jer popeva o ratu, domovini i diže i ističe simbole propale paradržave. Nekaj ko pukovnik Čondić!

Znači mi ostali koji popevame, čije su pesme iste tak nastajale v tom ratu, ali koji inspiraciju nalazime v svakodnevnom životu, kaj mi nisme dosta veliki Hrvati? Derati se o Hrvatima i Hrvatskoj moraju same oni koji v svoje Hrvatstve nisu sigurni, a dotičnoga pevača 1992., kad su Zagorci borci tam došli, v Čavoglavami več nije bile! On je svoj “ratni“ image dobre unovčil i iskoristil. Ili je Gotovina morti jedini hrvatski general?

Ne slažem se da se bile koja stranka naziva braniteljskim imenem. Istu praksu uvel bi za ostale pojmove koji nemreju biti ničije vlasništve. Ak nešči nije član koje „zagorske“ ili „hrvatske“ stranke ne da ne znači da nije Zagorec ili Hrvat, nek neče iskorištavati one kaj nije same njegve. Iskorištavati ime kraja, države ili događaja v kojemu su učešče imeli si građani nije v redu! To je prisvajanje zasluga za nekaj čemu je doprinos dale pune ljudi koje nišči nič ne pita.

To je, u biti, stvar autorskoga prava. I to bi trebale regulirati. Ak se jedna stranka nazove braniteljska, onda bi se prijatelj Branko i ja mogli zvati Braniteljski nezavisni kandidati, ili Braniteljski SDP ili Braniteljski HDZ, same zate jer v tim strankami ima i branitelja.

Se skupa mi ipak smrdi na potez nakon kojega bu ponos branitelja srozan još već.