Naša se država nije u stanju obračunati niti z grupicu huligane koji se tučeju na nogometni utakmica, pa kak bi onda ljudi verovali da se bu obračunala z mafiju? Ove kaj se denes pri nas događa ne bi nikoga trebale čuditi. Zaštita koju kriminalci pri nas imaju, nefikasnost ili nespremnost policije da se obračuna z kriminalem nikoga nije preveč mučila.
Sečam se vremena prije rata kad je baviti se z kriminalem bile nekaj opasne i sramotne, no denes je to normalne i nišči se zbog toga pune ne zabrinjava.
Kriminal je postal posel s kojim se baviju ugledni ljudi. A kak se takva promena mogla dogoditi prek noči?
Kad je došle do promene sistema, vlasti se na krilima domoljublja domogle i pune onih koji su od bivše države bili proganjani zbog kriminala, a ne zbog političkoga neslaganja. Ko god je za vrijeme SFRJ bil v zatvoru automatski je postal borac za Hrvatsku. Nišči nije postavljal pitanje kak je i zake v reštu završil.
Bile je i pune onih koji su z zatvora puščeni da bi se borili na frontu meste domoljuba koji nisu šteli iti jer im je jena ruka bila zauzeta z zastavu, druga z mažnjavanjem društvene imovine, a čube pune domoljubnih fraza.
No čim su se dočepali slobode ili vlasti lopovi su znali kak se dela. Kapitalističku pljačku nazvali su borbom protiv omraženoga komunizma, a onomu ko bi se tomu suprotstavil ljepili su etikete komunjare ili jugonostalgičara.
Kad dećec od 22 ljeta postane vlasnik banke, a slučajne je predsednikov vnuk, kad kćer i sinovi istoga toga predsednika postajeju bogataši prek noči, onda i ostali moreju delati kaj hočeju. V iste te vreme narod je zauzet z ratem, a vlast pljačku pravda stvaranjem stolječima čekane hrvatske države i borbu protiv komunizma. V Hrvatske do denes nije bile ozbiljnoga obračuna z kriminalem i kriminalci, jer bi to značile da bi na udaru bili i oni koji su na vlasti ili su ž nju na neki način vuske povezani.
Nije bez veze nastala izreka da druge države imaju mafiju, a da v Hrvatske mafija ima državu. Sima je to jasne, ali nišči nič nije po tom pitanju poduzel, a ak je ko i probal brze je dobil kaj je iskal, ostali su, pak, zašuteli da ne dobiju i oni. Poznata hrvatska solidarnost i glasnost!
Si se denes pozivaju na policiju, smenjen je ministar i ravnatelj. Pa nije to problem policije! V policije je problem kaj su oni koji su bili stručni dobili nogu ili penziju, a Hrvatska je zapošljavala mahom one koji nisu imeli kam ili nisu znali nič delati, a lopata im je smrdela. Naša policija ima pune zaposlenih, ali ne stručnjaka, nek ljudi po kancelarija koji su po kojekakvim vezama (večinom po stranačke linije) morali biti primljeni na posel. I doj se bu onda boril protiv kriminala?
Ministar, ravnatelj i još par stručnjaka to nemreju. Policiju treba depolitizirati, podiči postotak operative u odnosu na administraciju.
Ministrima pravosuđa i unutarnjih poslova, ravnatelju policije i načelnikima treba dati ovlasti i od njih iskati odgovornost, ali se iste tak treba znati da nema nedodirljivih, da se načelniki neju smenjivali jer su pehnuli ili pozvali na odgovornost kakvoga stranačkoga barjaktara. Tužiteljstvu se mora dati potpora da se one za koje postoji sumnja i dokazi da su se bavili z bile kakvim kriminalem dopelja pred sud, a ne da se puniju ladice z predmeti koji su pod zaštitu viših sila i koji nesmeju biti pokrenuti.
Sad kad je mafija z ilegale prešla v biznis to bu jake teške, jer bi, ake se zbilja očeme obračunati z kriminalem, v zatvoru završil i dober dio denešnjih uglednih privrednika koji su do nedavne bili neugledni lopovi, a to bi, pak, značile da bi i privreda bila na udaru.