Prošli vikend začetljanski su motoristi organizirali humanitarnu akciju za pomoć curici koja zbog poremečaja na kraležnici mora na tri operacije i oporavak v Švicarsku. Operacije koštaju 500.000 kn i nema ih doj platiti. Familija jedva da ima za osnovne životne potrebe i nema mogučnosti ni da bi pomislili na operaciju. V školi su nastavniki i deca pokrenuli akciju skupljanja penez, a opčine je navodno pomogla z čak 6000,00 kn (mada verujem da je ovaj podatak krivi).

Motoristi su, uz pomoč nas koji sme igrali, skupili, nakon plačanja troškova oko 35.000 kn, a kolike još fali zaključite sami. V sakom slučaju bez da se si skupa uključime ove dete nema pune nade v ljepši život koji bi joj operacija donesla.

V međuvremenu stanovita doktorica Ječmenica digla je hajku na moto klub Zle majke i optužila ih za sotonizam i ostala zla koja su donesli v Začretje. Nisam našel podatak kaj je spomenuta doktorica & CO napravila da bi pomogla ovomu detetu koje živi v njezine okolice. Takvi ljudi kak je spomenuta su rak našega društva. Mesto da šalje pisma v terima išče pomoć za pucku kojoj to treba, pobesnela pljuje po motoristima koji su med retkima bili bez razmišljanja spremni organizirati pomoč ne same za ove dete, nek i za druge kojima to treba.

Da, klub se zove Zle majke, ali kaj je tu zlo osim kaj je ime provokativne kak je i normalne. Na moto susretima nema nasilja ili tučnjave, motoristi deklarativnu agresivnost manifestiraju ko ispušni ventil, a u biti su to večinom ljudi koji imaju više sluha i osječaja za lucke probleme od proseka.

Zlo su ljudi koje mesto da muči tuđa nesreča, da uložiju svoje vreme i zalaganje da bi pomagali onem kojima treba baviju se z nazivima i znakovima i jurišaju ko D. Q. na vetrenjače, dok ih ih nečija nesreča ostavlja ravnodušnim.

Baš me zanima da li buju potpisniki peticije protiv motoriste dali kakev prilog kad je u pitanju pomoč nekomu ili im je pljuvanje jedina vrlina?!

Morti sad mene zemeju na zub!

Si mi više menje volime luksuz, volime imeti one kaj nam ne treba da bi uživali, ali nesmeme pozabiti da ima i onih koji bez svoje krivnje živiju na drugi način, uz odricanje i patnju. Ne razmem ljude koji se nisu u stanju barem osvrnuti kad vidiju da se nešči muči, koji su u stanju ignorirati druge kad bi im trebali pomoći.

A negda se za drugoga ne treba odreči velikih stvari, jer kad bi se si skupa odrekli same jednoga maloga dela onoga kaj nam u stvari ne treba ili bez čega moreme nekomu bi mogli omogučiti život. Zate se odrečite nekakve gluposti i v ime dobrih stvari pomorite pucice tera pati. Svoje priloge slobodne uplatite na:

Antonija Sever rač. 2403009-3171000293

Za takvu se gestu navek najde vremena, a nagrada vredi pune više od bile čega kaj za taj prilog morete kupiti!