Kad sme več do Dubrovnika došli onda sme prešli i Konavle pogledati. Skrenuli sme v Cavtat, za koji sam mislil da zgleda impozantnije, ali osim bogate prošlosti največi denešnji hadut mu je činjenica da je to luka najbliža aerodromu Čilipi, pa su tu usidrene največe i najskuplje jahte.

Od Cavtata prek Dubrovnika krenuli sme na Pelješac. Vrag nam nije dal mira pa sme morali probati hranu v restoranu Lidije Kralj v Malom Stonu. Za nekoga bi to značile vrhunski gurmanski doživljaj, ali za mene, ovakvoga kakev jesam, same konstatacija dobiš male-platiš pune. Te slow-food fore mi više smrdiju na preseravanje nek na zbilja dobru i zdravu hranu.

Ali Stonski zid je nekaj kaj se treba videti. Impresivne zgleda građevina tera na mestima podseča na Kineski zid, duga je par kilometri i penje se po strmine iznad Stona, sikak pogledati, ak ste v prilike!

Par kilometri nakon Stona i na trajekt za Mljet. Na Mljet sme došli kad je več pala noč. Kak nisam baš pune znal o Mljetu, imel sam dojam da tu postoji jedne ili dva mesta i par bertiji. Od luke Sobra krenuli sme v pravcu nacionalnoga parka. Več tu se vidle da je Mljet bolje naseljen nek mi se to činile. Kak po noči nisme pune vidli, par mesta tera nisu bila bog zna kak osvetljena sme prešli i došli do Polače de nas je iznenadil broj jahti, jedrilic, ali i restorane uz obalu! Mislil sam da je to i vrhunac ponude na Mljetu, ali cesta je išla dalje pa sme krenuli pogledati kaj ima. Kad tam nakon par kilometri opet naselja. Došlo sme i do Pomene koja ima hotel, tu pristaje katamaran i polazišna je točka za razgledavanje nacionalnoga parka i mljetskih jezera koja su par stupnjeva topleša od mora pa sme se i mi morali skupati. Na Mljetu su dvije večeri za redom igrane i kazališne predstave v teremi je nastupal i naš Adam Končič koji je na moje čude bez greške odglumil i izrecitiral teški tekst poetske drame Ladislava Prežigala, makar sme popoldan bez milosti uništavali pelješke bele vine. Drugi dan prešli sme si skupa v sjedište opčine Mljet, Babino Polje (v naravi nije polje nek breg) na još jednu predstavu. Upoznali sme i domače ljude koji tu živiju i to je dodatne ljepe iskustve kojega ovi na jahtami nigdar neju iskusili.

Prekrasni otok, dobre društve, se skupa, na Mljetu sme uživali.

Ali sakoga mesta tri dane dosta, pa sme krenuli nazaj na Pelješac i dalje prema Orebiću. Orebić mi je poznat po tom jer su moji susedi sake ljete tam išli na ljetovanje v odmaralište bedekovčanskoga Ventilatora. Daleki put, ali sad sam videl zakaj se put, koliki god da je, splati. Makar je bile pune turiste gužva nije bila nesnosna, fantastične plaže, čiste more, gradič v kojemu dominiraju stare kamene kapetanske hiže. Prekrasni pogled na Korčulu prek mora. Mi sme došli do kampa Perna, raja za surfere zbog čestoga vetra koji ipak nije tak jak ko na Bolu. Kak nisme imeli opremu mogli sme same uživati gledajuči more načičkane z jedrima.

Jedina zamerka kampu i okolice je slabe održavanje. Videti smeče po sikut nije najljepša slika. Kamp je, osim toga i inače dosta zapuščen, ali zbog lokacije zlata vredi. Čehi i Poljaki tu imaju svoje škole jedrenja i surfanja, a mi kao pomorska zemlja za svoje ljude nemame skere nič.

Jednu večer skočili sme z putničkem brodem i do prekresne Korčule koja zaslužuje več pažnje drugi put.

Nakon tri dana pokret prema Zadru jer se bližil koncert Lennyja Kravitza. Z trajektem z Trpnja na Pelješcu, do Ploča koje nisu baš najljepši grad našega Jadrana, po stare magistrale do Brela i onda autocestom do Biograda i kampa Soline de su nam prijatelji čuvali meste. Nakon sega Biograd nam se činil pretrpan, ali koncert je zate bil super.

Puni dojmova sih vrsta nakon dvadesetak dane obilaska, večinom, južnoga Jadrana dojti doma bile je ugodne.