… Kad je fešta prirejena v okolice Zagvozda, došla do točke koja se nemre prekoračiti bez računa teri na naplatu dolazi drugi dan, mi sme krenuli dalje po ceste prema Vrgorcu, centru toga dijela Dalmatinskoga zagorja. Tu je gradilište dionice autoceste od Šestanovca do Ploča. Teba videti kakev je to kraj i na kakvim kamenim bregima i klisurami ljudi živiju ili su živeli. Onda je lježe razmeti i mentalitet tih ljudi.

Dalmatinska zagora nije turistički razvijeni kraj, ali vredile bi to prejti pogledati i čuditi se kakev su život se ljudi u stanju podnesti, jer vu tom kraju i na takvim mestima, de su neka sela nastala, priroda baš i nije predvidela da bi nešči živel. Vrgorac je meste Tina Ujevića i največe meste toga kršnoga dela Hrvatske. H Vrgorcu sam trebal tankati jer mi je pokazivač nivoa goriva pokazival još same dvije crtice, ali kak mi se nije dale zaustavljati, odlučil sam riskirati i prejti do Ploča. Od Vrgorca prema Pločami polake počinjeju plodna polja koja su več dio neretvanske doline i tu se život „normalizira“. Na izlasku na Jadransku magistralu kolona prema Pločami. Kesneše na radiju čujeme zbog nesreče i dva poginula. Na toj sam cesti primetil dosta kamikaza koji iz meni nepoznatih razloga riskiraju svoje i tuđe živote preticajuči po nepreglednim zavojima da bi nekam došli pet ili deset minut raneše. Neki ne dojdeju nigdar.

Mi nisme išli v Ploče nek sme skrenuli prema Dubrovniku.

Več sam svojim suputnikima i obožavateljima lubenice rekel da obavezno stajeme v doline Neretve i kupujeme lubenicu direkt z njive, zapraf, na tom dijelu prije Opuzena ljudi kre ceste imaju štande na teremi prodajeju one kaj v polju raste.

Dolina Neretve je interesantni krajolik na teromu je teške odrediti de je kopne, de kanal, rukavec reke ili čvrsta zemlja.

Prije Kleka, zadnjega mesta v RH prije nek cesta prejde na teritorij BiH, razrovani breg, pretpostavljam pripreme za izgradnju mosta prema Pelješcu. I evo nas već sme na granice de se stvorila kolona. Neum, jedine bosanske meste na Jadranu. Neum nije nekakve ljepe meste jer se nalazi na kamene strmine prema moru, tera je prenametana z hoteli i apartmani, a z gornje strani prolazi magistrala. No, Neum mi je ostal v dobrom sječanju jer sam tu šest put bil z bendom (Zadruga op.a.) na etno-festu i navek sme imeli dobre društve.

Čekanje na granice, da bi prešli z jednoga dela Hrvatske v drugi, je ponižavajuče. I tu bi dal plus za gradnju mosta. Nije upitne da li most treba, upitna je same njegova cena. Živeti v dijelu Hrvatske koji je «odsečen» od ostatka zemlje nije najljepši osečaj.

Kad sme prešli BiH opet Hrvatska. V prvi mah skrenul sam prema Pelješcu i Stonu, ali mučile me kaj sam prije toga videl tablu Dubrovnik 45 km. Brza konzultacija z familiju i nazaj okret prema Dubrovniku.

Več se je z ceste vidle da se tuj nekaj zbiva jer je na moru pune veči promet. Ulazak v grad i fantastična slika staroga dela Grada i impresivne zidine. One kaj me posebne fascinira je osečaj da je tu bila zasebna autohtona kultura i politička organizacija koja nije bila dio ni Austrije, ni Venecije. Grad nikoga nemre ostaviti ravnodušnim. Odma su mi v mašte prolazile slike prošlih vremena kak su te zidine i te grad živeli kad su bili na svojemu vrhuncu…