Vručina, tempo, gužva, posel… Neki vrag nas tira ko da bu se prepale ak neme napravili one kaj sme si u biti sami zacrtali za cilj. V denešnjem se društvu med sobu tirame da stekneme več nek naši takozvani suparniki, koji su nam u principu prijatelji , ali mi bi jedni pred drugemi trebali pokazati da moreme bolje i moreme več. Prijatelji polahke postajeju konkurencija koje morame dokazati da je naš status veči od njihovoga i da mi moreme bolje neg oni. V takve klime se polake ide k vragu i meste da si delame krug ljudi de bi se mogli opustiti, reči kaj nas muči, ak treba najti potporu i pomoč, ne same materijalnu nek i moralnu, mi se se več izolirame i namečeme nekakve norme koje nemaju kraja. Ali kraja ima naš život i tu nema kalkulacije.
Nakon kaj sam se upetljal v politiku, za koju sam mislil da i nije prava politika nek več prilika da se napravi nekaj za svoje meste, doživel sam nekaj kaj je bile za očekivati, ali osim kaj je dokaz kak ljudi funkcioniraju, nije nekaj kaj bi normalnomu čoveku mogle dati povoda da se angažira za društve, da nekaj napravi za društve.
Približavaju se lokalni izbori i več se delaju kalkulacije ko bu osvojil koju poziciju, kak se buju odvijali dogovori i pregovori itd. Mislim da bu od jeseni pa do izbora to najvažneša tema koju bume morali trpeti.
Da je vreme predizborne kampanje u stvari gubljenje vremena dokaz je veliki broj kandidate koji ni na kojem planu nigdar nisu nič uspeli napraviti i programi koji obečavaju i one stvari koje nisu obečavali ni autori „Najljepših bajki sveta“.
Kaj se osobnoga interesa tiče, najbolje je svoje vreme i znanje potrošiti na se i korist koja se zasluži zadržati za sebe.
Moje je iskustve z politiku takve da je dio prijatelje z menu skore prestal komunicirati da ne bi ispale ko da me nekaj trebaju, dok se pojavil jen drugi dio ljudi s teremi nigdar nisam nič imel, ali su mi odjemput postali veliki prijatelji, makar nič zajedničkoga nemame.
Mislim da i za prve i druge, a i trejte moram napraviti se kaj se da da bi v okviru zakona i propisa ostvarili one kaj moreju i kaj ih pripada, da bi si skupa zadovoljili interese i pojedinačne i društva v teromu živime.
Ali idealizam je jedne, a stvarnost druge. Zate je pitanje kakva se poruka šalje pametnešemu i sposobnešemu dijelu populacije koji bi mogel donesti nekakev napredak kad su svesni da im angažman za društve nosi same gubitak ugleda i vremena. Onima kaj nič druge ni neznaju nek politizirati to nije bitne jer ugleda nemaju, osim onoga kojega si sami umisliju, pa ga nemreju ni zgubiti, sposobnosti im nisu bitne, jer ionak nisu svesni svoji mani, znači savršeni su da biračima obečaju se kaj su ovi u stanju čujti, a da za to nemaju baš nikakve odgovornosti.
Da li se bum kandidiral za nekaj na sljedečim izborima? Ak sam pameten ne bum!