Praznik rada bi u stvari trebale proslavljati radne, a na to bi, prije sega, trebale natirati one teri inače ne delaju. No večina proslava se organizira uz bažulj, da bi nakon toga mogli bolje prdeti po radu.

V sistemu v terom sme živeli prije, rad je bil na najvišem podiju poštivanja. O radu su se zmišljale poslovice – U radu je spas, Ko radi taj i štedi, … o radu su se popevale pesme, o radu su se pisali govori. Rad je bil nekaj poželjnoga i priznatoga. Ne tolike financijski, ali v moralnom smislu rad je bil na ceni.

To ne znači da su si delali. Lošem stanju v pune društvenih firmi dosta put je bil razlog loš odnos prema radu. Deklarativne poštivanje rada nije značile da su si šteli delati. To je bila marketinška aktivnost vlasti da bi radnike natirali da kolike – tolike delaju, jer su radniki koji su bili i samoupravljači imeli tendenciju da za posel nemaju motiva. Od onda je i poznata ideja: Nemreju me tak male platiti, kak male morem delati!

Kad sme sistem zmenili v kapitalistički, očekivali sme da bu tržište stimulacija za rad, jer se mislile da ak buš više delal više buš i zaslužil pak buju radniki zadovoljni kaj za svoj rad moreju dobiti i adekvatnu naknadu.

E je tak? Nije!

Nemrem reči da i ja nisam tak mislil, ali si mi kaj sme mislili da bu tržište pogodovale radniku sme se fkanili. Dogodile se to da radnik više dela za menje peneze.

Stimulacija za mnoge radnike nisu bolja primanja, nek strah od otkaza.

Radniki v kapitalizmu uz više rada imaju menje.

One kaj se z radom zasluži ne dobiva radnik nek gazda.

Radniku je motiv za rad obaveza da prehrani familiju, a strah da to nebu mogel tira ga da dela. Rad više nije kategorija časti kak je bil negda. Radnik nije status koji društve poštuje.

Pri nas se denes dela više nek prije, a ima se menje. Rad ne koristi onomu ko dela, nek onomu za koga taj dela.

Praznik rada trebali bi slaviti kapitalisti koji od tuđega rada imaju koristi. Radniki praznik rada koristiju da bi si počinuli, ili da skoristiju vreme da napraviju nekaj za se.

Tržište nije pogodovale radniku nek gazdi. Gazda ne mora radniku davati plaču koju on realno zasluži, jer je radnik v strahu da gazda na tržištu rada ne kupi jeftinešega radnika, onoga koji je zbog svoje situacije prisiljen delati za bile kaj, a ne za cenu rada.

Mislim da denes ljudi, v proseku, više delaju nek prije i to ne same fizičke nek i ostale poslove. Imaju menje, ili opče nemaju vremena za sebe. Zbog posla su pod stresem i nemreju se opustiti jer cele vreme misliju o radnim obavezama. I to se zbog toga jer tržište ne oprašta opuštanje.

Rad je postal muka, obaveza i oblik ropstva.

I sam znam doživeti da kad me ljudi zatekneju da nekaj delam ili vidiju da sam oblečen za posel pitaju: Pa kaj i ti moraš delati? Ko da je rad sramota! Ko da radnik nemre biti saki! Ko da rad obezvređuje nečiju osobnost i vrednost v društvu!

Znači ko dela taj je gluplji od onoga koji spi!

Mislim da se bi morali nad tim male zamisliti. Ima ljudi koji hočeju delati, koji su uz to sposobni i pametni. Oblječi radne odele ne znači da je čovek glup, a onaj koji nosi kravatu i ruke v žepu da je pameten.